نشرت “أون تايم سبورتس” عبر قناتها على اليوتيوب مقطع فيديو يوثق لحظة اعتداء الجماهير السنغالية على نجم المنتخب الوطني ونادي ليفربول الإنجليزي محمد صلاح.
لحظة اعتداء جماهير السنغال على محمد صلاح.. وتعليق ناري من مدحت شلبي
وظهر في الفيديو لحظة خروج صلاح، من الملعب واعتداء الجماهير عليه بإلقاء زجاجات المياه على رأسه، وذلك بعد انتهاء المباراة التي جمعت بين منتخبي مصر والسنغال، أمس الثلاثاء، في العاصمة السنغالية داكار، وانتهت بفوز أسود التيرانجا بركلات الترجيح (3 / 1) وتأهلهم لكأس العالم قطر 2022 على حساب الفراعنة.
وعلق جنرال الإعلام الرياضي مدحت شلبي، على الواقعة قائلًا: “مش متعود على كده الحقيقة من الجمهور الإفريقي.. الجمهور الإفريقي دومًا بيبقى جميل وبيشجع أحيانًا اللعبة الحلوة عمري ما شوفت كده الحقيقة”.
وأضاف: “مسألة التأهل لكاس العالم يظهر إن هي يعني إحنا شوف عملنا مع ماني إيه شوف مع صلاح بيعملوا إيه؟ يعني مش معقولة”.
وتابع: “ليه كده يا جماعة ليه كده بص المنظر وناس حاطين ايديهم فوق راسه عشان اللي هيقع على راسه ليه كده عملكوا إيه يعني؟ يعني مطلوب منه إيه ما يلعبش؟ هو ما لعبش.. مطلوب إيه منه يعني.. حاجة غريبة الحقيقة وشيء يزعل أنا طول عمري بشيد الحقيقة بالجماهير الإفريقية العظيمة وأنا اعتبر اللي حصل ده استثناء من تصرفات الجماهير الإفريقية عمري أنا ما شوفت أبدًا الجمهور في القارة السمراء الجميلة بهذا الشكل الحقيقة يعني”.
