“مفيش حد امتداد ليا”.. صفية العمري عن “ليالي الحلمية”: «المسلسل أسطورة موجودة وهتفضل مكملة مع أجيال جايه»
أكدت الفنانة الجميلة صفية العمري، بأنها تقوم حالياً بالتحضير لعمل درامي جديد، وتحدثت أيضاً عن دورها بالمسلسل الشهير “ليالي الحلمية”، والتي جسدت من خلاله دور نازك السلحدار.
صور مجمعة للفنانة صفية العمري من مسلسل "ليالي الحلمية"، تم تعديلها ودمجها بواسطة نجوم مصرية.
وأشارت الفنانة، خلال تصريحات تليفزيونية: “أنا حالياً بحضر حاجة إن شاء الله تكون كويسة، وبجد مش متأكدة إن كانت هتلحق رمضان اللي جاي ولا لأ، والعمل الكويس بيعمل لوحده رمضان ولما بينجح بيخلي الجمهور يجي، وعلى ما أفتكر إن مسلسل ليالي الحلمية كان في جزء منه إتعرض في غير رمضان، ومع ذلك حقق الكثير من النجاح”.
وواصلت صفية: “وحقيقي بفتخر إني عملت دور نازك السلحدار، وده علشان المسلسل أسطورة موجودة وهتفضل مكملة مع أجيال كتير جايه، ومفيش حد إمتداد لحد، وكل فنان منا له شخصيته المستقلة وإنه ينجح في تقديم الشخصية المناسبة والمُميزة، والشطارة إن الواحد منا يقدر يسيب بصمة في كل عمل ويكمل”.
وحينما سؤلت الفنانة، عن أنها سوف تقوم بكتابة مذكراتها حتى يتم تقديمها بعمل فني، ردت صفية: “لا أعتقد إني ممكن أكتب مذكراتي، وده علشان أنا معنديش الحاجة المهمة اللي تتكتب، وبجد ما فكرتش خالص في الموضوع ده”.
وجديراً بالذكر، بأن الفنانة صفية العمري سبق وطالبت بحصول الفنانين على أجر مادي، مقابل عرض أعمالهم الفنية على شاشة التليفزيون، وعلقت: “إحنا المُمثلين اللي أعمالنا بتتعرض كل يوم، ومن حقنا إننا ناخد فلوس على كده، وناخد حقوقنا كلها ولكن مفيش حد بيفكر فينا ولا مُهتم بينا”.
وأضافت: “كل العالم بيفكر في الفنان وبيدفع له كويس، وده علشان المنتج مش هيدفع حاجة من جيبه، ولكن القنوات في النهاية هى اللي بتستفيد والفنان منا مش بيستفيد حاجة، وللأسف الشديد النهاردة موجود فنانين كتير مرضى، وهو ينفع إن الدولة هى اللي تتكفل بعلاجنا؟.. أنا زعلانة أوي ومش عارفة أقول إيه؟”.
