البلوجر سابي صالح: واحدة في جروب البنات خدت مقاطع ليا ونزلتها على التيك توك بطريقة مش كويسة
كشفت البلوجر سابي صالح، عن انتحال شخصيتها من قبل فتاة على التيك توك، قامت بنشر مقاطع تم اقتصاصها من فيديوهات لها لتحمل أكثر من معنى، وأعادت نشرها عبر عدد من التطبيقات لتجذب ملايين المشاهدات.
البلوجر سابي صالح: واحدة في جروب البنات خدت مقاطع ليا ونزلتها على التيك توك بطريقة مش كويسة
وقالت سابي، في مقطع فيديو: “اكتشفت من فترة من قريب إن في أكونت على التيك توك بيعمل بياخد فيديوهات ليا طبعًا الفيديوهات دي بتاعتي كنت الأول بطلع على جروب بنات بعرض اللبس ده هي أصلًا بنوتة اللي أنا عرفته يعني كانت مدسوسة في الجروب بتاع البنات كانت بتاخد المقاطع دي وتنزلها على التيك توك”.
وأضافت: “جيت لما عرفت الموضوع الأول نفضت قولت خلاص مش هعرف أحل الموضوع ده لحد ما الأكونت بقى 200.. 300 ألف لحد ما وصل لمليون متابع.. طبعًا الفيديوهات بتاعتي اللي هي بتتقص كنت بستغرب إن أنا معنديش أصلًا المشاهدات دي في الأكونت كنت ببص الفيديو عامل 2 مليون 3 مليون.. أبص عندي ألاقي اللايف عامل 200 ألف أقصى حاجة فكنت بستغرب فبخش أشوف ألاقيها مقطعة المقاطع بتاعت الفيديو شكلها صعب جدًا طبعًا المقطع كان بيحمل معنيين أنا المحتوى بتاعي مفيهوش كده خالص طبعًا اللايف كامل بعرض فيه لبس البنات نقعد نهزر مع البنات بدأت هي تستخدم المقاطع اللي فيها كلام يحمل معنيين”.
وتابعت: “أنا كنت أصلًا على التيك توك مش موجودة عملت أكونت عشان أحاول ناس قالولي لازم تبقي متواجدة عشان الأكونت ده يعرف إن انتي متواجدة فيتقفل.. عملت أكونت قولت فيه ماليش أكونتات على التيك توك اخدوا المقطع ونزلوه.. هما بقى قصوه قصوا الاسم نفسه بس وتواصلت معاها عشان أعرف ده ولد ولا بنت حاولت معاها بكل الطرق خدي فلوس لأ طب امسحي الفيديوهات القديمة لأ.. طب أنا هقدم فيكي بلاغ خافت شوية وبعد كده رجعت قفلت الأكونت قالتلي طب خلاص قفلته شهر ورجعت تاني فتحته ببص لقيته مليون ونص”.
واستكملت: “هنا بقى ساعتها اتضايقت.. كلمت حد وقولته عايزة أشوف حل للموضوع ده.. سألت ناس كتير جدًا أعمل إيه وأبدأ منين واتصرف ازاي.. لحد ما حد قالي تروحي مباحث الانترنت طبعًا وكلت محامي حد كويس بشكره جدًا كان معايا اليوم ده روحنا مباحث الانترنت وقدمنا البلاغ فكان ساعتها برضه حد من السوشيال ميديا معايا كان بيقفلي الأكونت بتاع انستجرام كانت عاملة انستجرام رابطاه بالتيك توك وكانت عاملة فيس بوك كمان.. بس هي مش نشطة على الفيس بوك عشان هي عارفة إن أنا في الفيس بوك ليا الصفحة بتاعتي وأنا موجودة عليها.. بس الأبلكيشن الأكتر انتشار هو التيك توك.. ولما عملت الإجراء القانوني قفلت الأكونت”.
