كشفت الفنانة رانيا يوسف، أسرارًا جديدة حول أسباب فشل زيجاتها السابقة، خلال لقائها ببرنامج “The Blind Date Show”.
رانيا يوسف: بحب مروحة السقف.. والتكييف كان أحد أسباب طلاقي
حيث قالت: “أنا مطلقة من 5 سنين.. وسريري بتاعي لوحدي.. وبحب مروحة السقف لإني عندي مشكلة مع التكييف صيف وشتا”.
وأضافت: “التكييف كان أحد أسباب طلاقي من جوزي الأولاني.. وأول طلاق كان صعب أوي لإني كنت بحب جوزي والقرار خدت فيه 5 سنين.. وقصيت شعري عشان أخد القرار ده”.
وتابعت: “تاني جوازة كانت غلط جدًا وجت في وقت غلط مع شخص غلط.. وتالت جوازة كانت بسبب الضغط عليا من أهلي وأهله وولاي وولاده”.
وأردفت: “كنت سعيدة في أول 3 سنين مع جوزي التالت بس كنت بسكت لما بشوف حاجة مش عجباني.. ودي غلطة عملتها في الـ 3 جوازات”.
واستطردت: “لو اتجوزت للمرة الرابعة.. وبيتنا في مساحة إن كل واحد يبقى عنده أوضة هقعد في أوضة وهو في أوضة عشان نوحش بعض.. وكل واحد يبقى عنده حمام لوحده في أوضته”.
الجدير بالذكر أن آخر أعمال الفنانة رانيا يوسف، مسلسل “عالم تاني” الذي عرض في يناير الماضي، وشارك في بطولته: نضال الشافعي، وفريال يوسف، وفراس سعيد، من تأليف: إسلام يوسف، وإخراج: عبد العزيز حشاد.
