رد اللاعب رمضان صبحي، مهاجم نادي بيراميدز الحالي، والأهلي السابق، على سؤال لو الأهلي والزمالك بيلعبوا ماتش النهارده هتقعد تشجع مين؟ الذي وجهته له الإعلامية ياسمين عز، مقدمة برنامج “كلام الناس” الذي يذاع عبر قناة “MBC مصر” في حلقة أمس الاثنين.
لو الأهلي والزمالك بيلعبوا هتشجع مين؟.. رمضان صبحي يرد
وقال رمضان، ردًا على السؤال: “لا ده صعب جدًا أنا بشجع بيراميدز.. هبقى نفسي إن الاتنين مثلًا يتعادلوا لو هو في مصلحة بيراميدز.. عشان إحنا مثلًا نبقى الأول”.
وأضاف رمضان، قائلًا: “ده النادي اللي بلعب فيه هو ده شغلي.. لو الأهلي بيلعب في إفريقيا بشجعه طبيعي.. ولو الزمالك بيلعب في إفريقيا برضه بشجعه.. لو هما بيلعبوا ضد بعض أنا هبقى عايز أشوف مصلحة فريقي وأظن كل الناس بتفكر كده.. واللاعيبة كلها بتفكر كده.. بس ممكن لما تقعد هنا ما تقولكيش كده”.
وتابع رمضان: “أنا دلوقتي لو نفترض إن الزمالك كسب الزمالك ده لو المنافس بتاعنا ومسابقنا أنا هتبسط لما هيكسب؟ ده كده مضر لمصلحة فرقتي.. والأهلي نفس النظام”.
يذكر أن رمضان صبحي، هو لاعب كرة قدم مصري من مواليد 23 يناير 1997، بدأ مسيرته الكروية مع النادي الأهلي ولعب في الفريق الأول لأول مرة في موسم 2013/ 2014 وخاض تجربة احتراف في أندية ستوك سيتي، وهدرسفيلد تاون، بالدوري الإنجليزي.
وعاد رمضان، إلى الأهلي مرة أخرى في 2018 على سبيل الإعارة قبل أن ينتقل إلى بيراميدز في 2020 وهي الصفقة التي أثارت ضجة كبيرة في مصر.
