ابنة رانيا يوسف مهاجمة والدها محمد مختار: «أنا كـ نانسي مش محتاجة منه حاجة»

قامت نانسي محمد مختار ابنة الفنانة رانيا يوسف، بإنتقاد تصرفات والدها المنتج محمد مختار تجاها، وتحدثت أيضاً عن اختياراتها ووالدتها للملابس، وأشارت بأنها لا تهتم برأي الجمهور بخصوص هذا الأمر.

وأكدت ابنة الفنانة، خلال تصريحات تليفزيوينة: “مش متضايقة خالص، وده علشان شكلي حلو والفستان اللي لبسته من والدتي على الريد كاربت شكله حلو أوي، وأنا مش متعودة أشغل دماغي بالتعليقات السلبية والإنتقادات”.

وواصلت نانسي: “رانيا يوسف أطيب وأحن إنسانة موجودة في حياتي، وأنا مش بقول كده عشان هى والدتي، ولكن علشان هى صاحبتي ومامتي وأختي وكل حاجة في حياتي، وأنا موجودة معاها في الحياة من 20 سنة كل يوم”.

وأضافت: “وعلى فكرة أنا مش محتاجة محمد مختار في حاجة، ومش عاوزه منه أي شئ.. حتى ولو مهرجان أو فيلم أو أي حاجة نهائي، وأنا كـ نانسي مش محتاجة منه أي حاجة خالص”.

وتحدثت خلال اللقاء، عن إمكانية عملها بالتمثيل: “ممكن أشتغل بالفن لو الورق حلو، ولو القصة عجبتني أكيد هشارك ومش هرفض، ولكني أنا مشروع مصممة أزياء أكبر”.

ومن جانبها، فقد قامت الفنانة رانيا يوسف بالتعبير عن رأيها في اختيار ابنتها لملابسها، معلقة: “مفيش حد له عندها حاجة.. تعمل اللي هى عاوزاه، والشخص اللي مش عاجبه ميتبعناش، وده علشان الدنيا أبسط من كده بكتير ومش موجود فيها عقد، وبنتي تلبس اللي هى عاوزاه وتعمل اللي هى عاوزاه، وعلى فكرة بناتي هما اللي بيختاروا ليا ملابسي”.

وجديراً بالذكر، بأن آخر أعمال الفنانة رانيا يوسف مسلسل “عالم تاني”، وحققت الفنانة الكثير من النجاح خلال العمل، وشاركها البطولة مجموعة كبيرة من نجوم الفن أبرزهم “فريال يوسف، ونضال الشافعي، ومروة عبدالمنعم، وأيمن عزب، وإلهام عبدالبديع، وفراس سعيد، وتميم عبده، وصوفية، وسميرة صدقي”، وغيرهم، والعمل تأليف إسلام يوسف وإخراج عبدالعزيز حشاد.