كشفت النجمة منى زكي، كواليس تصوير مسلسلها الأخير “تحت الوصاية” الذي عرض في الموسم الرمضاني لهذا العام.
منى زكي عن "تحت الوصاية": كنا بنقضي 18 ساعة ع المركب ومش بناكل عشان ما نرجعش
وقالت منى، خلال لقائها مع الإعلامي محمود سعد، في أحدث حلقات برنامج “Sold Out”: “كنا بنقضي 18 ساعة ع المركب في عرض البحر.. ومش بناكل عشان ما نرجعش ومحدش فينا يتعب”.
وأضافت: “زمايلنا كانوا بيشيلوا المعدات من مركب لمركب.. كلنا اجتهدنا وتعبنا في المسلسل ده فوق التعب العادي”.
وعن الهجوم الشديد الذي تعرضت له من قبل البعض على مواقع التواصل الاجتماعي بمجرد طرح البوستر الدعائي للمسلسل، قالت الفنانة منى زكي: “الحقيقة مش شايفة إنها صورة قبيحة.. ووالله مش بشوف أي ست قبيحة في الدنيا.. كل واحدة عندها 100 ألف حاجة بتخليها مميزة عن غيرها”.
وتابعت: “ولما المسلسل بدأ ينجح مع عرض أول كام حلقة.. بدأت أحس إن ربنا بيعوضني وبيراضيني.. وبالنسبة لي ما بقاش هاممني أي حاجة حصلت تاني”.
وأردفت: “ما كانش عندي وقت للتحضير الكافي للمسلسل.. لإن إحنا كنا شغالين على مشروع تاني مستوحى من قصة (الحاجة صيصا).. بس لما عرفت إن روجينا، بتحضر لنفس المشروع قررت التراجع عن تقديمه”.
واستطردت: “عملنا تغيير بسيط في القصة.. وخلينا بدل ما الست ترتدي ثوب راجل.. أصرينا على إثبات إنها مش محتاج تتخفى في زي راجل عشان تبرز قوتها.. على الرغم من إننا جيبنا ماكيير من بره مصر عشان يغير ملامحي لراجل في المشروع الأول اللي تعبنا في تحضيره”.
