أعربت الفنانة منى زكي عن بالغ سعادتها بنجاح فيلمها الجديد “رحلة 404″، والذي يعرض حاليًا في دور عرض السينمات، لافتة إلى أن عددًا كبيرًا من المنتجين رفضوا هذا الفيلم من قبل بسبب إنه غير جماهيري.
منى زكي - صورة أرشيفية
وأضافت منى زكي خلال لقائها ببرنامج “الحكاية”: “هاني خليفة جابلي السيناريو في 2011، وكنا كل ما نقرر نعمله المنتجين كانوا بيرفضوا ويقولوا أصل ده فيلم مش جماهيري، ومش هينجح ولا يجيب إيرادات، فنعمل مشاريع تانية ونرجع مرة تانية ندور على منتجين للفيلم، وتقريبا كلمنا كل المنتجين، والرد كان إنه مش هيعجب الناس، وفي الآخر محمد حفظي هو الوحيد اللي اتحمس للفيلم عشان يطلع”.
وأشارت منى زكي إلى أن فيلم “رحلة 404” مُصنف للكبار فقط +18، متابعة: “من أول يوم وأنا حابة الفيلم أوي ومش شايفة إنه فيه حاجة وحشة، بالعكس أنا حبيت جدًا الفلسفة اللي وراه، وبعد ما صورنا شوية من الفيلم بدأت أقلق من أن الناس ممكن تطلعني على المسرح بس الحمد لله عدت على خير والكل أشاد بنجاح الفيلم”.
