كشف السيناريست مدحت العدل، كواليس تعاونه مع الفنان محمد رمضان، خلال فيلم “ع الزيرو” المقرر طرحه في السينمات خلال أيام قليلة.
مدحت العدل: محمد رمضان محترم وملتزم جدًا.. وبنجهز لفيلم تاني معاه
حيث قال في تصريحات صحفية أدلى بها منذ ساعات قليلة: “محمد رمضان شخص محترم وملتزم جدًا وما تعبنيش لا أنا ولا ماندو في التحضيرات ولا في التصوير”.
وأضاف: “وبنجهز لفيلم تاني معاه.. وفي الفترة الجاية (العدل جروب) هتركز في في السينما أكتر من التليفزيون.. بس لو لقينا موضوع درما حلو هنعمله أكيد”.
وعن قصة فيلم “ع الزيرو” قال السيناريست مدحت العدل: “الشخصية اللي بيقدمها محمد رمضان في الفيلم بطل عادي.. شاب ابنه بيجيله سرطان فبيشوف إزاي هيعالجه”.
ويعتبر فيلم “ع الزيرو” هو التعاون الثاني بين شركة العدل جروب، والفنان محمد رمضان، بعد نجاح مسلسل “نسر الصعيد” الذي عرض في الموسم الرمضاني لعام 2018.
“ع الزيرو” بطولة: محمد رمضان، ونيللي كريم، وجومانا مراد، وإسلام إبراهيم، وشريف دسوقي، من تأليف: مدحت العدل، وإنتاج: العدل جروب (جمال العدل)، وإخراج: محمد جمال العدل.
بينما مسلسل “نسر الصعيد” بطولة: محمد رمضان، ووفاء عامر، ودرة، وسيد رجب، وعائشة بن أحمد، ودينا، وعايدة رياض، ومها أبو عوف، هاجر أحمد، ومحمد عز، ومحمد حاتم، وباسل الزارو، ومؤمن نور، وأحمد خالد صالح، وعماد زيادة، من تأليف: محمد عبد المعطي، وإخراج: ياسر سامي.
