ميرهان حسين تقلد ياسمين عز على الهواء: ليه يا مدام ما فكرتيش في فرعونك اكسليفونك اكورديونك

تألقت الفنانة ميرهان حسين، في تقليد الإعلامية ياسمين عز، خلال لقائها معها في حلقة أمس الجمعة من برنامج “كلام الناس” الذي يعرض عبر قناة “MBC مصر”.

ميرهان حسين تقلد ياسمين عز على الهواء: ليه يا مدام ما فكرتيش في فرعونك اكسليفونك اكورديونك

حيث فاجأت ميرهان، مقدمة البرنامج بتقليدها على الهواء مباشرة قائلة: “هعملك شخصية وانتي تقولي لي هي مين.. ليكي انتي مخصوص.. أنا هعملك شخصية وانتي قوليلي مين هي.. انتي عارفة إن أنا بقلد؟”.

وبدأت ميرهان، في تقمص شخصية ياسمين عز، وقلدت طريقة كلامها ونبرة صوتها الهادئة وهي تقول: “فاكرة يا مدام الصوت الشتوي اللي قولتلك عنه فاكراه راح فين؟ راح فين الصوت الشتوي.. أنا هقولك راح فين.. حضرتك يا مدام شيلتي الصوت الشتوي مع اللبس الشتوي في البلاكار فوق.. ليه لإن تفكيرك أنثوي.. ما فكرتيش في فرعونك حبيبك فرعونك اكسليفونك اكورديونك إنه عايز نسمة برد.. نسمة صيف.. الصيف حر عليه.. أقولك أنا تعملي إيه.. حضرتك تجيبي سلم تطلعي البلاكار تجيبي الصوت الشتوي وتطلعيه لفرعونك حبيبك وتقوليله كمان إنك شيلتي كل السجاجيد وفرشتلك الفساتين تدوس عليها”.

لترد عليها ياسمين، قائلة: “برافو عليكي.. عشان أنا بعمل كده فعلًا.. بس أنا هادية أوي.. بشوف نفسي بستغرب نفسي بس انتي شايفاني ع الحقيقة”، لتقول ميرهان: “انتي رقيقة خالص وكيوت خالص وجميلة”.

وقالت ياسمين: “نستعمل الصوت الشتوي في الصيف وفي الشتا.. لإن طول الوقت الصوت عالي هو بيتوتر.. لما بتنزل بالصوت حتى لو قولتي كلام يضايقه هو يحس إنه يعدي.. يبقى فاكرها بتهزر معاه.. إنما نعلي صوتنا ونقول الكلام الوحش بتحصل مشكلة.. وأنا مع طبعًا مع جدًا.. تحط السجاد يدوس عليه بالجزمة أو تشيله يدوس ع الفساتين.. في الحالتين المهم يكون مبسوط ومرتاح”.