تراجعت الإعلامية مروة صبري، عن موقفها من التضامن مع الفنانة ميرهان حسين، التي أعلنت اعتزالها بعد دفاعها عنها.
مروة صبري تهاجم ميرهان حسين: بتضحكي على الجمهور بتريند فاشل
واعتذرت مروة، لجمهورها خلال تقديمها حلقة أمس الأحد من برنامجها “قعدة ستات” الذي يعرض عبر قناة “اليوم”.
حيث قالت: “أنا آسفة لكل الناس اللي كانت بتشوف الحلقة دي.. أنا آسفة لنفسي كمان إن أنا صدقت لإن ببساطة شديدة يعني أنا اتضحك عليا.. أنا ما أعرفهاش شخصيًا أنا بحبها كفنانة وصعب عليا أوي إن حد يكون محطوط تحت ضغط نفسي لأي سبب من الأسباب ولكن يعني خلينا نتكلم كده الواحد لما بيبقى متضايق على الأقل وواقع تحت ضغط نفسي وكتب بوست واعتزل ومش عايز وبيهاجم الناس كلها اللي حواليها.. هل الموضوع ده مثلًا ممكن ياخد له أقل من شهر شهرين تلاتة عشان يقدر يتعافى تاني؟ لأ إحنا هنا بسم الله ما شاء الله لا سحر ولا شعوذة ميرهان حسين خرجت من الأزمة النفسية بعد من أسبوع لعشر أيام”.
وأضافت: “وامبارح اتفاجئت إن هي طالعة في برنامج على الهوا وبتتكلم عادي جدًا بتقول يا جماعة أنا آسفة أنا ما اعتزلتش الفن ولكن أنا اعتزلت السوشيال ميديا.. نعم؟ انتي بتضحكي على مين؟ انتي بتضحكي ع الجمهور؟ انتي بتتلاعبي ع الجمهور.. هو يا جماعة فكرة إن أنا أعتزل وأرجع وأعتزل وأرجع دي بقت لعبة؟ أنا ما بحكمش على حد أصل أنا كنت مصدقة أوي زي ما أنتوا شايفين وأنا بتكلم كنت مقتنعة أوي وبدافع عنها أوي وفي ناس قالتلي انتي بتدافعي عنها كده ليه دي طالعة تاخد تريند يعني ناس كتير.. وفعلًا طلعت طالعة تاخد تريند.. والفكرة إن التريند ما كملش أسبوع عشر تيام.. يعني حتى التريند فاشل.. تريند مش متصدق.. تريند ما ينفعش”.
