نشرت قناة “Girls’ Space” عبر حسابها الرسمي على موقع تبادل الصور والفيديوهات “انستجرام” مقطع من لقاء الفنانة منة فضالي، في برنامج “حكايتي”.
نصائح منة فضالي للفتيات: ما تتجوزيش حد أكبر منك ولا حد بخيل
وهو المقطع الذي وجهت من خلاله منة، مجموعة نصائح للفتيات المقبلات على الزواج، حيث قالت: “3 نصايح للبنات والستات ما تتجوزيش حد أكبر منك.. في نفس الوقت ما تاخديش واحد انتي ما بتحبيهوش ولا بتثقي فيه.. ممكن تتجوزي واحد أكبر منك في السن هيتعامل معاكي غلط.. انتي كمان هتتعاملي معاه غلط هتفهمي علاقتكوا مش صح”.
وأضافت: “بس ممكن احتمال بسيط لو فيه السن اللي بينكوا وبين بعض مش كبير أوي يعني مثلًا ما يوصلش مثلًا 40 سنة.. ده عمر كبير أوي هيغير عليكي أوي انتي هتبقي قدامه شابة وهو كبر هتبقى فيه مشاكل كتير جدًا جدًا ممكن توصل للضرب”.
وتابعت: “الحاجة التانية ما تاخديش راجل بخيل.. حقيقي تجربة.. ما تعمليش حاجة انتي مش مجبرة تعمليها.. مش مجبرة تاكلي أكلة انتي مش عايزة تاكليها عشان ترضي حد.. مش مجبرة تشتغل عمل انتي مش عايزاه عشان ترضي الآخر.. مش مجبرة إن انتي تضحكي في وش حد انتي مش قابلاه”.
وأردفت: “الحاجات دي أنا بعملها دلوقتي.. ما بعرفش أضحك في وش حد أنا ما بحبوش.. ما بعرفش أسلم على حد أنا ما بحبوش لإن أنا أبقى كده كدابة ومخادعة.. أنا عمري ما كنت كده أنا مشاعري سابقاني”.
