كشفت الفنانة منة فضالي، عن رأيها في الزواج، وكشفت أيضًا عن رأيها في أن تحصل على لقب الزوجة الثانية.
منة فضالي: معنديش حاجة ناقصة عشان تخليني أبقى زوجة تانية.. ومحدش يقدر يتحرش بيا
حيث قالت، في تصريحات تليفزيونية أدلت بها خلال الساعات القليلة الماضية: “الجواز كان تحدي بالنسبة لي لأن أمي ما كانتش موافقة”.
وأضافت: “أنا كنت واحده الموضوع عند.. البنات بتفهم المشاعر أكتر بس مش كل اللي بنحس بيه بيبقى بجد”.
وتابعت: “الحب بيجي في سن معين.. وأنا ضد اللي بيتجوزوا بدري.. ببقى عارفة إن العلاقة مش هتنجح”.
وردًا على سؤال “هل تقبل أن تصبح زوجة ثانية”، قالت: “أنا معنديش حاجة ناقصة عشان تخليني أبقى زوجة تانية.. وممكن أبقى زوجة تانية في حالة إن الزوجة الأولى توفيت”.
وعن تعرضها للتحرش، قالت: “محدش يقدر يجي ناحيتي أنا بلعب كيك بوكسنج واللي يفكر يتحرش بيا هياخد أكبر بوكس في حياته”.
الجدير بالذكر أن الفنانة منة فضالي، شاركت في الموسم الرمضاني لهذا العام بمسلسلي “جعفر العمدة”، و”سره الباتع”.
مسلسل “جعفر العمدة” بطولة: محمد رمضان، وزينة، وهالة صدقي، وأحمد داش، ومي كساب، وإيمان العاصي، ومنة فضالي، ومنذر رياحنة، عن قصة: محمد سامي، وسيناريو وحوار: محمد سامي، ومهاب طارق، وإخراج: محمد سامي.
بينما مسلسل “سره الباتع” بطولة: أحمد فهمي، وريم مصطفى، وأحمد صلاح السعدني، وحنان مطاوع، وحسين فهمي، وعمرو عبد الجليل، وهالة صدقي، ونجلاء بدر، ومنة فضالي، وصلاح عبد الله، وأحمد وفيق، وهشام الجخ، عن قصة الأديب الراحل يوسف إدريس، وسيناريو وحوار وإخراج: خالد يوسف.
