أثارت الفنانة ليلى علوي، جدلًا واسعًا بسبب التصريحات التي أدلت بها خلال لقائها مع الإعلامية لميس الحديدي، في حلقة أمس من برنامج “كلمة أخيرة” الذي يعرض عبر قناة “ON E”.
ليلى علوي: كنت مرتبطة بواحد وعرف واحدة تانية عليا
حيث وجهت مقدمة البرنامج سؤالًا لضيفتها قالت فيه “لو كان افرضي إن انتي متجوزة وطبعًا أنا رأيي إن مفيش حد ممكن يتجوز ليلى علوي ويخونها؟ كان في شوجر دادي في حياتك؟ حد حب عليكي؟”، لترد قائلة: “والله بيحصل.. آه.. آه والله.. معرفش حب ولا محبش بس عرف.. ولما اكتشفت قولتله باي باي.. خلاص مبقاش فيه ثقة.. والثقة والاحترام مهمين جدًا علشان الحب يكتمل.. يعني تخيلي مثلًا العكس حد هيرضى؟!”.
وأضافت: “أنا بشوف طبعًا إن فيه ستات يعني برافو عليهم يعرفوا يحافظوا على بيتهم يعرفوا يحافظوا ع الأسرة لإن الأسرة في النهاية هي مسئولية المرأة مش الرجل.. الأم بتيجي على نفسها كتير أوي عشان خاطر ولادها وعشان خاطر بيتها وعشان خاطر الكيان اللي هي حققته ووقفت مع الراجل وعملته معاه.. ففي ستات تقولك لأ.. هو بيهيص بيخرف أي حاجة لكن أنا مش هسيب الكيان بتاعي”.
ويعرض للفنانة ليلى علوي، حاليًا في السينمات فيلمها الجديد “شوجر دادي”، وهو الفيلم الذي يشارك في بطولته كلًا من: بيومي فؤاد، وتامر هجرس، وحمدي الميرغني، والراقصة جوهرة، ومي الغيطي، ومصطفى غريب، وفرح الزاهد، من تأليف: لؤي السيد، وإخراج: محمود كريم.
