كشفت الفنانة ليلى علوي، عن رأيها في الرقابة على الأعمال الفنية سواء من المؤسسات أو من المجتمع.
ليلى علوي: الناس ماشية في الشارع متنحة وتايهة.. تحسي إن مفيش هدف فيه هم
حيث قالت خلال لقائها مع الإعلامية لميس الحديدي، في حلقة أمس الأحد من برنامج “كلمة أخيرة” الذي يعرض عبر قناة “ON E”: “أنا شايفة إن المجتمع أفضل من الـ 10 سنين اللي فاتوا.. أفضل بمعنى إنه كان في الأول يقولك لأ إحنا ما نسلمش على ده وما نكلمش ده دلوقتي مش حاسة بكده”.
وأضافت: “يعني كان فيه فترة المجتمع كان مقفول مش بتكلم على وقت الثورة بتكلم على ما قبل كمان.. ما قبل بـ 10 سنين كمان.. يعني في التسعينات كان فيه ناس بتقول لأ ما نسلمش أنا آسفة يعني على إخواتنا المسيحيين.. لأ ده مش حاصل دلوقتي”.
وتابعت: “المجتمع مجهد جدًا دلوقتي.. المجتمع مجهد جدًا بمعنى إن فيه عارفة تلاقي الناس ماشية في الشارع كده وهي متنحة وتايهة ما تحسيش إن فيه هدف تحسي إن فيه هم.. فده مبوظ حاجات كتير.. لكن أنا شايفة إن لأ في مجالات كتيرة وأنا بنزل مناطق كتيرة ومختلفة لأ شايفة أولًا المرأة موجودة في كل حتة النهارده وبتشتغل وبتعرف تاخد حقها لو هي عايزة هتقدر تاخد حقها كويس أوي والدولة هتقف معاها لكن أنا بشوف إن أنا مش شايفة إن إحنا مشغولين النهارده بالمرأة والرجل.. المرأة والرجل مشغولين اللي هو إحنا هنربي العيال إزاي إحنا هنعالجهم إزاي.. هو ده اللي مشغولين بيه دلوقتي أكتر من أي حاجة عشان كده المجتمع مجهد”.
