تحدثت الفنانة ليلى علوي، خلال لقائها مع الإعلامية لميس الحديدي، في حلقة أمس الأحد من برنامج “كلمة أخيرة” الذي يعرض عبر قناة “ON E” عن أغنية فيلمها الجديد “شوجر دادي”.
ليلى علوي: مش بحس إني جميلة
وهي الأغنية التي غنتها المطربة اللبنانية نانسي عجرم، وتقول كلماتها: “أنا حلوة بدون مجهود ووجودي بيعمل مود ضحكتي حلوة وبتفرح عندي التكشير مرفوض.. أنا بمشي أعمل زلزال وجمالي يهد جبال حصوة في عين اللي بيحسد ده أنا فوق الراس اتشال”.
حيث ردت على سؤال مقدمة البرنامج “ليلى الست الجميلة بتشعر إن أنا آخر إصدار أنا محدش زيي أنا قمر القمرات؟”، قائلة: “بصي مش عارفة ليه بجد والله مش عارفة أتخيل الأغنية دي من حد تاني غير نانسي لإنها بتقول وهي كيوت مش وهي مغرورة فاهمة قصدي.. بتقولها بدلع كده فمتقبلة كل كلمة منها ومش أنا بس كل الناس”.
وأضافت: “لو هغني الأغنية دي هغير كلماتها.. مش بحس إن أنا ست جميلة.. الحمد لله على كل حاجة.. والله مش بحس إني حلوة أبدًا اسأليهم بره لسه بقولهم هو أنا هطلع كده”.
وتطرقت ليلى، للحديث عن معاناة الفنانين الذين يصورون أعمالًا للتليفزيون، حيث قالت: “فيه مشروع دلوقتي في النقابة إن التصوير يبقى 12 ساعة.. أتمنى إن ده يحصل وإنه ما يأثرش طبعًا على المنتج بس يشتغلوا 12 ساعة بذمة اشتغلوا بذمة أوي”.
وتابعت: “إحنا بنشتغل ساعات 18 ساعة ومرة اشتغلنا.. كلنا كل الفنانين والفنيين بيشتغلوا ساعات بالـ 24 ساعة.. وأنا بعيط في مرة عيطت وناس كتير مش أنا لوحدي.. عيطت م التعب والإجهاد بتصعب عليكي نفسك إنك عايزة تعملي أحسن حاجة وبتقاومي كل حاجة جواكي عشان تقدري تطلعي نتيجة كويسة”.
