حلت الفنانة ليلى علوي، ضيفة على الإعلامية لميس الحديدي، في أحدث حلقات برنامج “كلمة أخيرة” الذي يعرض عبر قناة “ON E”.
بالفيديو.. بكاء ليلى علوي على الهواء
ولم تتمالك ليلى علوي، دموعها أثناء الحديث عن والدتها الراحلة، التي تذكرتها بكلمات مؤثرة حيث قالت: “كنت بفضل أتصل بابني كتير عشان أطمن عليه بس بقالي سنة ونص مش كده بمنع نفسي وبمسك نفسي إن أنا أعمل كده علشان ما أسببلوش قلق.. بصي أنا أتربيت كده وغصب عني الحب اللي جوايا ليه إن أنا ببقى عايزة اتطمن عليه كل ثانية.. بس ده مش صح”.
وأضافت: “وأنا كنت هقولك على حاجة مش وقتها خالص بس جت في مخي أوي وعايزة أقولهالك.. ماما الله يرحمها ما كانتش بتنام غير لما أروح البيت أيًا كانت الساعة النور يفضل منور وماما ما تنامش غير لما أروح البيت.. رايحة الشغل الصبح راجعة بالليل مسافرة الساحل الطريق خدي بالك مش عارفة إيه.. فقولتلها أنا كبرت أوي بقى كفاية تعملي فيا وبعدين لما هي مشيت وأنا طلعت الساحل وقفت وعيطت إنها مش بتكلمني تتطمن عليا”.
وانهارت ليلى، من البكاء بعد حديثها عن والدتها، وأكملت موجهة نصيحة للجيل الحالي قائلة: “يا ولاد ما تزعلوش مننا ده حب إحنا بنحبكوا أوي وبنخاف عليكوا أوي وبندعيلكوا أوي وبس”.
وتابعت: “انتي عارفة إن أنا اتعودت حتى مع خالد.. أقوله خالد أنا وصلت الشغل.. خالد أنا هتأخر.. فاهمة قصدي إزاي أنا بعمل كده.. بس بقى”.
الجدير بالذكر أن الفنانة ليلى علوي، يعرض لها حاليًا في السينمات فيلمها الجديد “شوجر دادي”.
“شوجر دادي” بطولة: ليلى علوي، وبيومي فؤاد، وحمدي الميرغني، وتامر هجرس، والراقصة جوهرة، ومصطفى غريب، ومي الغيطي، وفرح الزاهد، من تأليف: لؤي السيد، وإخراج: محمود كريم.
