فاجأت الإعلامية لميس الحديدي، في حلقة أمس من برنامجها “كلمة أخيرة” الذي يعرض عبر قناة “ON E” ضيفتها الفنانة ليلى علوي، بمداخلة هاتفية من نجلها بالتبني (خالد).
نجل ليلى علوي بالتبني: من غير الـ 8 ساعات نوم وكوباية القهوة محدش يقعد قدامها
وهي المداخلة التي أسعدت ليلى علوي، كثيرًا حيث هللت فرحًا بسماع صوت نجلها قائلة: “يا حياتي”.
وقال خالد، لوالدته: “عايز أقولها مبروك وأجمل شوجر مامي ويارب كل نجاح يبقى أحلى م اللي قبله وإحنا مع بعض إن شاء الله في كل حاجة وبتمنى لك كل خير يا أمي”.
وعن انشغالها عنه بسبب الفن، قال خالد: “أنا ساعات بروح لها.. أوقات الشغل بيجمعنا أقضي معاها كام يوم هناك لو هي قاعدة شوية أكيد بتوحشني”.
وتحدث عن ليلى علوي (الأم)، قائلًا: “قواعد والتزام واحترام وكل حاجة بجد.. أهم حاجة المواعيد هي طبعًا أهم حاجة المواعيد”.
وقالت ليلى علوي، عن نجلها: “خالد دلوقتي رايح رابعة جامعة.. وبيدرس بيزنس وبيشتغل في وقت الفراغ بيتمرن”.
وعن أكثر الأشياء التي تعجبه في والدته قال: “أحلى حاجة في ماما حبها وطيبتها وقلبها الأبيض.. وأصعب حاجة لو زعلتها مني على قد ما أنا هبقى مش مرتاح من جوايا إني أبقى عارف إن هي من جواها متضايقة مني دي أصعب حاجة”.
وتابع: “من غير 8 ساعات نوم ومن غير كوباية القهوة محدش يقعد في البيت أحسن.. على طول كده عشان بس إيه.. لأ مفيش خالص.. بعد القهوة نعمل اللي إحنا عايزينه”.
