حلت الفنانة التونسية إيناس النجار، ضيفة على الإعلامية راغدة شلهوب، مقدمة برنامج “نص الكلام” الذي يعرض عبر قناة “النهار”.
إيناس النجار عن التنازلات في الوسط الفني: جت فرص مش فرصة واحدة
وكشفت إيناس، خلال الحلقة عن العواقب التي واجهتها عقب تقديم دورها المثير للجدل في فيلم “أحاسيس”، حيث قالت: “اتعرض عليا أفلام إغراء كتير بس رفضتها وأنا بعد فيلم أحاسيس على فكرة رقاصة وظابط في نفس المسلسل كان اسمه (كان ياما كان) مع دكتور خالد بهجت المسلسل ده وكنت بصور في الاتنين بس ده بعد أحاسيس”.
وأضافت إيناس: “صناع القرار أو صناع السينما أو صناع العمل ده من البني آدم على فكرة مش قدام الكاميرا هو اللي بيوري نفسه.. ده من ورا الكاميرا أنا من الشخصيات اللي بروح أدي دوري وأمشي ما تلاقينيش متصاحبة على مخرج ما تلاقينيش متصاحبة على منتج ما تلاقينيش متصاحبة على ممثل من الآخر كده.. دايرتي دايمًا مقفولة ولما بصاحب بيبقوا بنات زميلات مش أكتر ولا أقل”.
وعن التنازلات والمضايقات التي تتعرض لها الفنانات داخل الوسط الفني، قالت إيناس النجار: “في الوسط أه موجود طبعًا.. أنا ممكن أعمل أي حاجة أقف اشتغل 24 ساعة أقعد جعانة طول اليوم لإن شغلانتنا صعبة وأنتي عارفة.. أحفظ مش 12 مشهد 30 مشهد.. أديلك اللي أنت عايزه بس قدام ربنا لا هينفعني شهرة ولا فلوس ولا نجومية لإن البني آدم اللي بيخاف من ربنا كل تصرف يجي يتصرفه أنا فيه حسبة بيني وبينه فهو هيعاقبني عليها ففي حاجات كتير أوي بتبقى طبعًا لأ”.
وتابعت: “بتحصل بس البني آدم المحترم هو اللي بيحترم نفسه.. وأنا مستحيل أتنازل أو أقدم تنازلات أنا بخاف من ربنا.. وجت فرص ومش فرصة واحدة بس أنا لأ مستحيل لو 1000 مسلسل و1000 فيلم.. بصي أنا عايشة كويس حياتي كويسة بيتي كويس الحمد لله مرتاحة هعمل كده ليه؟ لو هبقى إيه مش عايزاه فاهمة قصدي.. طالما أنا كويسة وقناعاتي وشخصيتي ما اتهزتش.. عارفة اللي بتقدم كده بتهز من نفسها أوي بتهز من شخصيتها وبتهز من كرامتها وبتهز من جواها الموضوع مالوش علاقة بالناس”.
