أثارت الفنانة الجميلة إيمان العاصي، الكثير من الجدل خلال الساعات القليلة الماضية، بعد أن كشفت عن تعرضها للتحرش في طفولتها على يد رجل مُسن، وتحدثت أيضاً عن فكرة الزواج وتجربتها مع الزواج المبكر.
إيمان العاصي عن فكرة الزواج: «لما عقد الجواز بيتمضي كل حاجة بتبوظ»
وأكدت الفنانة، خلال لقائها ببرنامج “بلا تصنيف”، والمُذاع عبر فضائية “LBC”، وقالت:ـ “اتعرضت للتحرش من راجل كبير في السن لما كنت طفلة، وهو كان بيصلح حاجات عندنا في البيت، وده لأن ماما كانت بتجدد حاجات بالمطبخ، وهو مكنش بالنسبة ليا غريب وكان بيجي باستمرار وكنت بثق فيه، وهو كان ساكن قريب مننا فكنت على طول بشوفه، وكان دايماً بيصلح حاجات عند الجيران”.
وواصلت إيمان:ـ “ومرة النور قطع، ولما ماما راحت تشوف المشكلة فين إتحرش بيا، وهو كان قاعد على الكرسي شدني وحاول يبوسني، وأنا ساعتها كان نفسي اللحظة دي تعدي بسرعة وماما تيجي، وأنا وقتها كان عندي إحساس إن جلدي بيقع ومش قادرة أستحمل، وهو اسمه مجدي وعمري ما نسيت اسمه، وبعدها لما كان بيجي عندنا كنت بستخبى في غرفتي وحقيقي كان أمر بشع لما كنت بحس بنفسه معانا في البيت.. إحساس كان بيوجع جسمي، وأنا عمري ما فهمت اللي اتعرضت له إلا دلوقتي”.
وأما عن العقاب الذي يستحقه المُتحرش من وجهة نظرها، ردت:ـ “العقاب الذي يستحقه هو الإغتصاب، وده علشان يحس الإحساس اللي بتحسه الفتاة”.
وتحدثت إيمان العاصي عن فكرة الزواج،:ـ “في ناس كتير بتعيش مع بعض سنين وبيحبوا بعض أوي، ومرتبطين وبيضحوا علشان بعض، وأول ما بيكتبوا الكتاب ويمضوا عقد الزواج كل حاجة بتبوظ”.
وعن فكرة الزاوج المبكر، أكدت بأنها كانت ترغب في تكوين أسرة، موضحة:ـ “اتجوزت بسن مبكر علشان كنت عاوزة اعمل عيلة وأخلف أولاد كتير، وحملت بسرعة.. بس الجواز مش حاجة سهلة أبداً”.
