حلت الفنانة حنان شوقي، ضيفة على الإعلامية ياسمين عز، في حلقة أمس الأحد، من برنامجها “كلام الناس” الذي يعرض عبر قناة “MBC مصر”.
حنان شوقي عن الحب: فيه اللي قالي بحبك عشان عايز حاجة معينة.. أو عشان يومين ويعدوا
وتحدثت حنان، خلال الحلقة حول علاقاتها العاطفية، قائلة: “أنا كتلة حب متحركة على الأرض أنا حياتي كلها حب.. أنا قلبي ما بينضبش غير بالحب.. بس الحب الحقيقي”.
وأضافت: “لما يبقى جوه قلبك ساكن فيه المولى عز وجل وسيدنا النبي وأي حد يجي يقولك بحبك بتحسي.. أنا بحب الحب المتبادل معرفش عشان انتي بتحبيني أنا أحبك.. الحب رايح جاي”.
وتابعت: “البني آدم بيبان من موقف من كلمة من حركة وأنا حساسة جدًا جدًا جدًا.. وعندي قلبي ربانيًا بحس.. بحس باللي بيقولي بحبك عشان عايز حاجة معينة.. أو اللي بيقولي بحبك عشان يومين ويعدوا.. لأ بحسها”.
واستكملت: “عايزة اتحب الحب الحقيقي.. الحب الحقيقي لا يتجزأ.. الحب اللي بجد عشان أفضل وأنا لما أعجز وهو عجوز كده نفضل نحب بعض.. أنا بشوف أفلام أجنبية الراجل والمرأة بيبقوا عواجيز وإيه الرومانسية وإيه الاحتواء وإيه الحنية اللي ما بينهم وإيه الود والرحمة اللي ما بينهم ده أنا بتمنى أبقى أكده.. لو ما كانش كده قلته أحسن”.
