كشفت الفنانة حنان شوقي، حقيقة الأنباء التي تم تداولها بشأن تبنيها طفلين خلال حلولها ضيفة على الإعلامية ياسمين عز، في حلقة أمس الأحد، من برنامجها “كلام الناس” الذي يعرض عبر قناة “MBC مصر”.
حنان شوقي: صعب عليا طفل في ملجأ أيتام وكنت هاخده اتبناه قالولي والدته عايشة
ونفت حنان، هذه الأنباء قائلة: “ياريت أعرف.. أنا ما بحبش أقول الحاجات دي.. بس بحب دايمًا لما جمعية خيرية تكلمني مدام حنان تجيلنا في العيد تعيدي ع الأطفال أقولهم طبعًا من عينيا.. يعني مثلًا محمود وحيد بتاع مؤسسة إنقاذ إنسان كلمني وقالي حنان كنت اتعرفت عليه في مؤتمر في سوهاج.. فبيقولي حنان لو كلمتك في العيد تيجي تعيدي ع الناس قولتله طبعًا يا محمود فروحت”.
وأضافت: “أنا أول ما روحت.. في ولد رشق في قلبي رشق.. وحسيت إن هو شبهي حسيت إن هو إبني.. وبعدين بعمله كده لقيته دخل في حضني.. بعدين بقوله يا محمود مين؟ فقالي القصة بتاعته صعب عليا الولد أوي قمر وطفل وعنده عزة وشكله ابن ناس.. صعب عليا وكنت بفكر اخده.. فقالي للأسف والدته عايشة ووالده عايش.. دول كانوا تحت ستار الحب أو اللي هو أنا ما بسميهوش حب.. أنا بسميه نزوة بسميه شهوة.. اللي هو حبهم الاتنين أنجب هذا الطفل الجميل”.
