حنان شوقي: في ناس سابت كل حاجة في فيلم الإرهابي واتكلموا ع الشورت الأصفر.. ودول مرضى نفسيين

تحدثت الفنانة حنان شوقي، عن كواليس فيلمها الشهير “الإرهابي” والنجاح الكبير الذي حققه أثناء عرضه عام 1994، خلال حلولها ضيفة في حلقة الأمس من برنامج “كلام الناس” الذي يعرض عبر قناة “MBC مصر”، وتقدمه الإعلامية ياسمين عز.

حنان شوقي: في ناس سابت كل حاجة في فيلم الإرهابي واتكلموا ع الشورت الأصفر.. ودول مرضى نفسيين

وقالت حنان، عن الفيلم: “سابوا كل حاجة في الفيلم وجم على مشهد الكوتشينة والشورت الأصفر.. أول ما حصل الكمبيوتر والسوشيال ميديا دي.. أنا في السوشيال ميديا متأخرة جدًا.. يعني لو شوفتي تاريخ صفحتى هتلاقيها قريب.. إيه السوشيال ميديا دي ولا في دماغي.. أنا بالنسبة لي النت ده هو صفحتي.. فأصحابي هما اللي عملوهالي بالعافية”.

وأضافت: “لقيتهم فبقولوا رجلين حنان بقيت هتجنن إيه العالم دي حسيت سوري إن دي عالم بتتاجر مفيش فن ولا حاجة وجايبين مشاهد وعاملين زوم على المشهد وما بيجيبوش المشهد من أوله لآخره عشان يعملوا إيه عشان الناس المريضة نفسيًا يجوا يقولوا رجلين حنان شوقي وهو واحد مريض نفسيًا شهوته هي اللي بتخليه يتفرج على ده إنما لو اتفرج ع المشهد من أوله لآخره عمره ما هيفكر ولا هيبص على رجلين حنان شوقي”.