حلت الفنانة الكبيرة هالة فاخر، ضيفة على الإعلامية لميس الحديدي، مقدمة برنامج “كلمة أخيرة” الذي يعرض عبر قناة “ON E”.
هالة فاخر: كان لازم أقلع الحجاب عشان أشتغل.. وربنا غفور رحيم
وتحدثت هالة فاخر، خلال الحلقة حول حجابها الذي ارتدته في 2010 عقب عودتها من أداء مناسك الحج، والذي تخلت عنه مؤخرًا، ولجأت لاستخدام الباروكة ثم خلعته تمامًا، حيث قالت: “أنا حسيت إن أنا عايزة اتحجب لا حد أثر عليا ولا روحت حضرت دروس دينية ولا أي حاجة من دي خالص نهائي”.
وأضافت: “اتحجبت وكنت قبل ما اتحجب روحت الحج ورجعت بقى يعني بس بصراحة أنا قعدت محجبة كذا سنة.. كان 4 أو 5 سنين كده.. بعد اشتغلت بالباروكة لإن الشغل بقى محدود وأنا لا وارثة ولا حاجة مفيش فلازم انزل اشتغل”.
وتابعت: “الأول لما سمعت إن الباروكة بدل الحجاب أهو تلكيكة.. وده مش صحيح طبعًا قولت طيب زي بعضه هشتغل بالباروكة شوية وبعد كده لقيت إنها ما هو يا تتحجبي يا ما تتحجبيش الباروكة بتحلي أكتر.. وكنت في الفترة دي عندي لخبطة ما بين إن أنا اتحجبت وما بين أقلع الحجاب ما أنا لازم أقلع الحجاب عشان أشتغل وربنا غفور رحيم. أنا مش بقلعه مثلًا عشان انزل اشتغل في حاجة تانية فجت كده يعني”.
وعن صعوبة قرار خلع الحجاب، قالت هالة فاخر: “عارفة لما تحسي إن انتي نازلة الشارع وانتي مش مكملة لبسك.. قعدت فترة كده.. يعني قعدت فترة لما انزل في حاجة.. حاسة إن أنا عريانة وبعد كده أنا أصلًا أصلًأ ولا بلبس cut ولا كده فحسيت إن الحكاية يعني”.
