أشاد هشام الرشيدي، مخرج مسلسل النجمة غادة عبد الرازق الجديد “حدث بالفعل” كواليس تعاونه معها وسبب اعتذاره عن مسلسلها “تلت التلاتة” المقرر عرضه في شهر رمضان المقبل.
مخرج مسلسل غادة عبد الرازق الجديد: شخصية محترمة والعمل معاها ممتع جدًا
وقال الرشيدي، في تصريحات صحفية: “اشتغلت مع غادة في مسلسل (حدث بالفعل).. وحضرنا مع بعض مسلسل (تلت التلاتة) قبل ما أعتذر عنه.. وهي شخصية محترمة والعمل معاها ممتع جدًا لإنها واعية وبتفهم الفن مش مجرد ممثلة”.
وأضاف: “غادة عبد الرازق نجمة بتذاكر وبتتفرج مش مجرد ممثلة بتؤدي دورها وخلاص.. واعتذاري عن مسلسل (تلت التلاتة) مالوش علاقة بوجود خلافات بينا.. إحنا كان المفروض نبدأ تصوير في شهر 12 والمشروع وقع وكان المفروض إنه هيبقى 30 حلقة بس بقى 15 بس.. وفي ممثلين اعتذروا عشان شغالين في أكتر من عمل.. فحسيت إن الموضوع مش مناسب ليا ومش زي ما اتعاقدت عليه”.
الجدير بالذكر أن آخر أعمال الفنانة غادة عبد الرازق، مسلسل” لحم غزال” الذي عرض في رمضان 2021، عبر قناة “MBC مصر”.
“لحم غزال” بطولة: غادة عبد الرازق، وشريف سلامة، وعمرو عبد الجليل، ومي سليم، ووفاء عامر، ورحاب الجمل، وإيهاب فهمي، وأحمد خليل، وشريف دسوقي، ووليد فواز، وخالد محمود، من تأليف: إياد إبراهيم، وإخراج: محمد أسامة.
