أثار الفنان القدير فاروق فلوكس، ضجة كبيرة بسبب التصريحات التي أدلى بها بشأن انضمامه لجماعة الإخوان، خلال لقائه ببرنامج “الستات” الذي تقدمه الإعلاميتان مفيدة شيحة، وسهير جودة، ويعرض عبر قناة “النهار”.
فاروق فلوكس: انضميت للإخوان وأنا عندي 5 سنين
حيث قال فلوكس: “لما كان عندي 5 سنين كنت ساكن في ميدان عابدين.. وكان الإخوان بيمشوا لابسين لبس الكشافة وكان عاجبني لبسهم وشكلهم فقولت عايز أنضم ليهم”.
وأضاف: “عرفت إن فيه شارع بعدنا كان ليهم مكان فيه.. قولت لوالدي أنا عايز أنضم ليهم عشان أمشي في الطابور ده.. قال لي اللي أنت عايزه أعمله واللي أنت شايفه صح أعمله.. واللي تلاقيه غلط أو خطر تعالى قولي”.
وتابع: “انضميت ليهم وكانوا بيحفظونا قرآن وبعدين كنت عايز استلم اللبس بقى عشان أمشي معاهم في الطابور قالولي هنروح نحضر خطبة للشيخ حسن البنا.. روحنا في مقرهم الأساسي في الدرب الأحمر وشوفت حسن البنا كان طويل ولابس بالطو وطربوش.. وكان بيقول حاجات أنا مش ملم بيها لكن فيها آيات قرآنية”.
واستكمل: “نزلونا بعده في البدروم وكان كله رمل وسلك شائك.. وإدونا عصاية غلية وقالولنا إسحفوا على الرمل وحاولوا تعدوا من تحت السلك الشائك.. وطبعًا مش ده الهدف اللي كنت رايح عشانه.. عملت التجربة السلك شد في هدومي وخرجت قولتلهم هروح أنضف هدومي وأجي تاني.. لما روحت حكيت لوالدي قالي إيه رأيك قولتله مش هروح تاني”.
