فاروق فلوكس عن سبب ابتعاده عن الساحة الفنية: «مش بيتعرض عليا شغل من 5 سنين وده دليل على إني مُمثل مش كويس»
كشف الفنان المعروف فاروق فلوكس، كواليس ابتعاده عن الساحة الفنية خلال الفترة الأخيرة، بعد تعاونه مع أبرز نجوم الفن على مدار سنوات عديدة، وأشار بأن المنتجين يعزفون عن طلب مشاركته بالأعمال، منذ أكثر من 5 سنوات.
فاروق فلوكس عن سبب قلة أعماله الفنية: « مبيتعرضش عليا شغل من 5 سنين وده دليل على إني مُمثل مش كويس»
وأكد الفنان، أثناء استضافته ببرنامج “القاهرة اليوم”، والتي تقوم بتقديمة الإعلامية نانسي مجدي، والمُذاع عبر فضائية “اليوم”:ـ “بقالي أكتر من 5 سنين مش بيتعرضش عليا أعمال فنية، وده بيدل على إني فنان مش كويس، وده علشان أنا لو مُمثل كويس كان إتعرض عليا شغل”.
وتحدث الفنان خلال اللقاء، عن ابنه الفنان أحمد فلوكس موضحاً:ـ “أحمد ابني مركز دلوقتي، وعايش حالياً مع زوجته وأُم ابنه ومش بيفكر في حاجة تانية، وهو ده اللي استقر عليه وأنا مبسوط بكده أوي”.
وحينما سؤل عن الأعمال السحرية التي تعرض لها ابنه من إحدى زوجاته السابقة، رد:ـ “ممكن ليه لأ، ولكن أنا معرفش.. حضرتك بتسأليني عن حاجة معرفهاش أصلاً، ود يعني مثلاً هو عرف فلانة وعملتله سحر.. طب أنا هعرف مين دي إزاي.. أنا كشخص عادي جداً هعرف منين؟”.
وواصل الفنان:ـ “ولكني عرفت الموضوع ده بعدين، وهو الحمد لله خلص منه على خير ومن الحاجات اللي كان بيحس بيها، ودلوقتي ابتدى يفوق، وبجد أهم حاجة عندي إنه بقا يصلي الوقت بوقته، وكمان بيقرأ القرآن الكريم وبيقرأ تفسيره”.
وجديراً بالذكر، بأن الفنان فاروق فلوكس شارك عام 2017 بمسلسل “الأب الروحي”، وحقق الفنان الكثير من النجاح من خلال العمل، وقام ببطولة المسلسل مجموعة كبيرة من نجوم الفن أبرزهم “محمود حميدة، وسوسن بدر، وعايدة رياض، وميرهان حسين”، وغيرهم، والعمل إخراج بيتر ميمي.
وتدور أحداث العمل، حول عائلة كبيرة جداً يتحكم فيها ويسيطر عليها زين العطار، والذي يقوم بتجسيده الفنان محمود حميدة ولديه الكثير من الأبناء، ويحكي العمل علاقة الأب بأبنائه، وأيضاً علاقته بالمهربين وتجار السلاح.
