حلت الكاتبة الكبيرة والنائبة البرلمانية فريدة الشوباشي، ضيفة على الإعلامية راغدة شلهوب، مقدمة برنامج “سابع سما” الذي يعرض عبر قناة “النهار” خلال شهر رمضان.
فريدة الشوباشي: الحجاب مش فرض
وتحدثت فريدة، حول فكرة ارتداء الحجاب وتصريحاتها التي أثارت جدلًا واسعًا في الفترة الماضية، قائلة: “أنا بقول إن أنا دارسة شريعة وإن الحجاب مش فرض.. واللي عايزة تلبس حجاب هي حرة بس مفيش حاجة اسمها إن حد يقولك كله يلبس حجاب.. لإ إحنا مش في مدرسة”.
وأضافت: “الحجاب مش فرض عايزة أقولك الآية ومناقشتي مع شيخ الأزهر الله يرحمه الشيخ طنطاوي وفي شهود.. قالي إزاي لأ فرض.. قولتله لأ مش فرض.. قالي الآية اللي في سورة النور.. قولتله نصًا كده يا مولانا الشريعة ألفاظ ولّا مقاصد قالي لأ مقاصد.. قولتله طيب (يضربن بخمرهن على جيوبهن) هل ممكن نتخيل إن واحدة في حاجة فوق شعرها وصدرها عريان.. يعني لما ربنا يقول غطوا صدركوا يعني عريان لازم تغطيه فهل يعقل؟ اللي على راسها ده بحكم البيئة قولتله بالدليل يا مولانا هاتلي رجل في الجزيرة العربية كلها مش حاطط حاجة على راسه لإن الحر فظيع والشمس جامدة أوي يعني.. فقالي بس الرسول قال (إذا بلغت المرأة المحيض لا يظهر منها غير وجهها وكفيها) قولتله ده حديث أحادي مالوش سند فضحك.. وحتى من كتر ما هو عظيم قالي قد تكونين عند الله أقرب مني إليه.. مش لأ وانتي كذا وكفرني”.
وعن مشروعها لحظر النقاب في مصر، قالت فريدة الشوباشي: “أنا مرة واحدة كنت مع وائل الإبراشي الله يرحمه وهي كانت معايا في البرنامج يعني وقالتلي حقي إن أنا ألبس نقاب.. قولتلها حقك إنك تتخفي تخفي ملامحك.. فين حقي أنا أعرف مين اللي جنبي.. مش برضه ده حقي! وإحنا شوفنا مرشد الإخوان الكبير أوي ده طلع من رابعة بالنقاب.. والنقاب مفيش بلد في الدنيا تقبل النقاب ده حتى في دول دلوقتي بتتخلص من كل الحاجات دي”.
حسبي الله ونعم الوكيل