أثار الفنان أحمد فلوكس، ضجة كبيرة بمقطع فيديو نشره عبر حسابه الرسمي على موقع تبادل الصور والفيديوهات “انستجرام” هاجم من خلاله الفنان أشرف زكي، نقيب المهن التمثيلية.
أحمد فلوكس لأشرف زكي: هزعلك وهعريك وهفضحك قدام الناس
وقال فلوكس، في الفيديو: “أشرف زكي بيكلمني دلوقتي بيقولي هو أنت بتقول إن أنا مرتشي صح؟ أنا مقولتش انت مرتشي عشان أنا عارف انت عايز تعمل إيه.. وطبعًا تطلع تعمل فاهم النمرتين والحبتين بتوعك والتحقيق والنقابة.. أنا مقولتش إنك مرتشي أنا قولت انت روحت حلقة وقبضت تمن مرواحك عشان تطلع تقول الكلمتين دول ولّا انت طلعت الحلقة لله؟!”.
وأضاف فلوكس، بلهجته الحادة، قائلًا: “م الآخر فكك من حواراتك عشان حواراتك مش هتاكل معايا هزعلك وهعريك وهفضحك قدام الناس وهفتح حواراتك وهخلي شكلك خر*.. اتقي الله وقوم اتحرك كنقيب بدل ما تعملي فيها مطبلاتي بدل ما تعملي فيها بتاع 7 ورقات عشان ده مش هياكل معايا هفضحك وهخلي شكلك خر* اتحرك وهات حق الناس وهات حقي انت سامع ولّا مش سامع؟! يا أشرف يا زكي”.
وتداول رواد مواقع التواصل الاجتماعي مقطع الفيديو الذي ظهر فيه فلوكس، وهو يهاجم أشرف زكي، متوقعين بأن يتحرك نقيب المهن التمثيلية خلال الساعات القادمة للرد عليه.
يذكر أن آخر أعمال الفنان أحمد فلوكس، فيلم “الممر” الذي تناول دور قوات الصاعقة المصرية خلال حرب الاستنزاف، وقدم فيه دور (النقيب محمود) واحد من الأسرى مع مجموعة من زملاءه في عمق سيناء، داخل معسكر حصين بقيادة الضابط دافيد أليعازر (إياد نصار) السادي الذي يعذبهم.
“الممر” بطولة: أحمد عز، وإياد نصار، وأحمد فلوكس، وأحمد رزق، ومحمد فراج، وأحمد صلاح حسني، ومحمد الشرنوبي، ومحمود حافظ، ومحمد جمعة، وأسماء أبو اليزيد، من تأليف: شريف عرفة، وأمير طعيمة، وإخراج: شريف عرفة.
