إيناس الدغيدي: عندي فيلم عن زنا المحارم المنتجين خايفين منه

حلت المخرجة إيناس الدغيدي، ضيفة في أحدث حلقات برنامج “أسرار النجوم” الذي تقدم الإعلامية إنجي علي، ويعرض عبر إذاعة وقناة “نجوم FM”.

إيناس الدغيدي: عندي فيلم عن زنا المحارم المنتجين خايفين منه

وتحدثت إيناس الدغيدي، عن أعمالها الفنية المقبلة، قائلة: “هو أنا عندي موضوع الحقيقة بتكلم فيه برضه من جرأة الأفكار اللي هو أنا النهارده السينما عشان تدخلي تعملي فيلم لازم تبقي مختلفة عشان الدراما قتلت كل الموضوعات الصراحة واتكلمت في كل حاجة.. السينما دايمًا لازم يكون ليها خصوصية شوية وتبقى الأفكار فيها أجرأ شوية”.

وأضافت: “فأنا عندي فيلم بيتكلم على أنا قولتله كتير ويمكن الناس خايفة منه هو بيتكلم على البنات اللي حصل في حياتهم زنا محارم سواء مع الأب أو الأخ أو كده بيعيشوا الحياة إزاي بعد كده إن بيبقى فيه مجتمع عنيف وهما بيبقوا عناف وبيقابلوا نفسيات مش مظبوطة ودول بيبقوا مؤثرين في المجتمع ثم إن كمان القانون ما بيحاسبش الأب أو الأخ بيحاسبوا زي ما يكون واحد اغـ تـ صـ ب واحدة”.

وتابعت: “مفيش قانون خاص بالموضوع ده.. يعني زي واحد اغـ تـ صـ ب.. بس في فرق بين إنك تـ غـ تـ صـ ب بنتك وإنك تـ غـ تـ صـ ب واحدة عادية فأنا كمان بتكلم في الحتة دي إن الأب والأخ لازم يبقالهم عقاب أكبر بكتير من العقاب بتاع الاغـ تـ صـ اب العادي.. وإن البنات دول فعلًا كانوا بنات شرسين جدًا وفيلم قاسي.. مش قاسي في المشاهد قاسي في اللي حصل للبنات”.

واستكملت: “فالناس مش عايزة بقى يجي المنتجين يقولولي يا سلام انتي بتدخلي في الممنوع والمحظور.. طب أنا مش هدخل أقول طنط وعمتي وخالتي وروحنا وكده.. فعشان كده بقول مبقاش فيه منتجين عندهم الجرأة والشجاعة دي.. يمكن أنا أنتجت 8 أفلام من أفلامي عشان القصة دي.. المنتج عايز يبقى دايمًا في الحتة الصح بيبقى عايز الفلوس ما بيبصش للموضوع ولا الكلام ده”.