“كل فيديوهاته وافكاره صادمة”.. إلهام شاهين مُنتقده آراء الشيخ الشعراوي: «ليه نقدم سيرة ذاتية له المفروض نقدمها للعلماء بس»

أثارت الفنانة إلهام شاهين، الكثير من الجدل خلال الساعات القليلة الماضية، بعدما كشفت عن أنها ترفض فيديوهات الشيخ الراحل محمد متولي الشعراوي جميعها، وأشارت بأنها ضد تقديم السيرة الذاتية للشيخ الراحل.

وأكدت الفنانة، أثناء استضافتها ببرنامج “كتاب الشهرة”، والذي يقوم بتقديمة الإعلامي علي ياسين، والمُذاع عبر شاشة “الجديد”، معلنة: “أنا ضد تقديم السيرة الذاتية للشيخ محمد متولي الشعراوي بعمل فني، وده علشان أنا شوفت فيديوهات له كانت صادمة، وأنا برفض كل الكلام والفتاوى اللي قالها في هذه الفيديوهات زي ضرب الزوج لزوجته، وإن الأمر متاح طالما الزوج شاف عورة الست، وإن الراجل اللي يتجوز من مسيحية مش مفروض إنه يودها أو يعيد عليها في المناسبات الخاصة بها”.

وواصلت إلهام شاهين: “ومش بس كده، ده قال عن المريض مش ضروري يتعالج، وده علشان منأخرش لقاءه بربه”، وتسائلت: “مش عارفة هنقدم السيرة الذاتية له ليه؟.. المفروض علينا إننا نقدمها عن العلماء وبس”.

كما تحدثت الفنانة خلال اللقاء، عن رفضها لفكرة إنجاب الأطفال، مضيفة: “بجد راضية تماماً ومش ندمانة إني مخلفتش، وده علشان أنا مش قد المسؤولية، وكفاية عليا مسؤوليات العمل بالفن، وكمان عاوزه أعيش حرة لنفسي ولفني، والعمل بالتمثيل بياخد منا وقت كبير وفي بعض الأحيان بنقعد نشتغل نحو 20 ساعة، وساعتها الواحدة منا هتمارس أمومتها إزاي؟.. وهتاخد بالها من أولادها وتراعيهم أمتى؟”.

وتابعت شاهين: “وطبعاً أي إنسان في الدنيا مش بياخد كل اللي هو عاوزه، وضروري يكون في اختيارات وأنا اخترت، وحقيقي مش ندمانة خالص إني اجهضت نفسي مرتين، وده علشان الأمومة عطاء وتضحية، وسهل أوي امارسها مع إخواتي وأصدقائي المقربين جداً”.