أثارت الفنانة اللبنانية دوللي شاهين، جدلًا واسعًا بسبب التصريحات التي أدلت بها خلال لقائها ببرنامج “بنشتري راجل” الذي تقدمه الفنانة هبة السيسي، ويعرض عبر قناة “الشمس”.
دوللي شاهين: مش حابة إن بنتي تدخل الوسط الفني.. ومفيش حاجة اسمها سينما نظيفة
حيث قالت دوللي: “هدعم بنتي في أي حاجة عايزاها.. ومقدرش أمنعها من حاجة.. وأنا محدش قدر يمنعني من حاجة أنا عايزاها.. يعني بابا بجربروته ده كله مقدرش يمنعني”.
وأضاف: “أنا حاولت أنتحر أكتر من مرة.. والموت أهون عندي من إن حد يحدد مستقبلي.. فمينفعش أتحكم في مستقبل بنتي بعد كل اللي حصل معايا ده”.
وتابعت: “لو بنتي عايزة تبقى ممثلة أنا مش همنعها.. لإن محدش عرف يمنعني.. لكن أنا ما أحبش إنها تدخل الوسط الفني.. لإنه تعب وشقى وعذاب.. وهتبقى زيي مالهاش ضهر.. يعني أنا ساعات بقعد من غير شغل عشان الشلالية اللي في الوسط الفني”.
وعن حياتها العاطفية، قالت دوللي شاهين: “بعيش دلوقتي قصة حب.. والحب ده حاجة جميلة.. إحنا بنسعى طول الوقت للحب الحقيقي ولما بنلاقيه مش بنعرف نتعامل معاه صح”.
وأكملت: “أنا مؤمنة بالحب الزيادة.. وأنه أهم حاجة في الدنيا.. ولغاية دلوقتي مقتنعة إن لسه في أمل في الحب”.
وعن مصطلح “السينما النظيفة”، قالت الفنانة دوللي شاهين: “مفيش حاجة اسمها سينما نظيفة.. ومش هيجي أنضف وأشطر من سعاد حسني وهند رستم.. وكنت أتمنى إني أتولد في الزمن الجميل ده وأعيش فيه”.
