نشرت الفنانة بدرية طلبة، عبر صفحتها الرسمية على موقع التواصل الاجتماعي “فيس بوك” رسالة من إحدى المتابعات تطلب منها مساعدتها لشراء سيارة.
بدرية طلبة لفتاة تريد مساعدتها لشراء سيارة: أنا مش توكيل هوندا
وهي الرسالة التي جاء نصها كالآتي: “السلام عليكم أنا بحب حضرتك جدًا.. وبحب كل أعمالك ربنا يوفقك يا رب.. أنا نفسي يكون عندي عربية أروح بيها الجامعة.. حتى لو عربية مستعملة ده حلمي.. ممكن تساعديني وهكون متشكر لك جدًا جدًا.. حلمي من زمان أروح الجامعة بعربيتي.. حتى لو هتكون عربية مستعملة.. ده حلمي”.
وردت بدرية، عبر منشور لها على صفحتها، قائلة: “بتجيلي طلبات تدهشني زي مثلًا واحدة طلبت ١٥ مليون تسددهم للبنك لإنها واخدة قروض هي وأخواتها يعملوا مشروع والمشروع فشل وخسروا فلوسهم والبنك أخد حكم عليهم”.
وأضافت: “التمست لها العذر لإنها غرقانة والغرقان بيدور علي قشاية زي ما بيقولوا وطبعا أنا ولا رديت عليها.. لإن اللي يفك كرب حد مش حيفكه بالرقم ده.. ده لو كان معايا أصلا”.
وتابعت: “لكن واحدة زي دي لما تطلب طلب زي ده.. هنا بقي الاندهاش زاد جدًا.. عربية إيه حضرتك! حضرتك أنا بدرية طلبة مش توكيل هوندا”.
