بدرية طلبة تقدم نصائح للفتيات بخصوص المقابلة الأولى مع شريك حياتها “بلاش تلبسي توب مش توبك بعد الجواز بتتعروا على بعض”
قامت الفنانة المصرية بدرية طلبة بتقديم بعض النصائح للفتيات في المقابلة الأولى لها مع شريك حياتها، ونصحت البنات بعدم التصنع ويجب أن تكون متسمة بالوضوح.
صورة بدرية طلبة: فيديو يوتيوب
وقالت الفنانة بدرية طلبة في مقدمة برنامجها “من غير نفسنة” الذي تقدمه مع الفنانة انتصار ونوليا، عبر شاشة قناة “هي”: علشان أول لقاء بيسيب أثر وذكرى، كل واحد ونصيبه يا إما هيسيب ذكرى حلوة أو ذكرى فيها أطفال وبيت كله دفئ وحب، وعلشان نسيب ذكرى حلوة في حاجات لازم تعملوها في أول مقابلة.
مضيفة: “لو الراجل عزم بنت على غداء أو عشاء بلاش تلبسي توب مش توبك، الطبيعة حلوة وأنا كده، عاجبك أهلًا وسهلًا، مش عاجبك شوف غيري، واتكلمي بطبيعتك وعيشي إنتي، وبلاش ترسمي لأن بعد الجواز بتتعروا على بعض وبتكتشفوا كل حاجة”.
وتابعت بدرية طلبة: “أول لقاء ده معمول علشان نعرف سن بعض وتفاصيل صغيرة، مش تحكي قصة حياتك”.
