حلت النجمة الكبيرة يسرا، ضيفة في أحدث حلقات برنامج “مساء dmc” الذي يقدمه الإعلامي رامي رضوان، ويعرض عبر قناة “dmc”.
يسرا عن مسلسلها الأخير: فيه مشهد قولنا إن إحنا في الفيوم بس ما كانش هناك
وكشفت يسرا، خلال الحلقة كواليس مسلسلها الأخير “1000 حمد الله ع السلامة” الذي عرض في شهر رمضان الماضي، وقدمت فيه اللون الكوميدي للعام الثاني على التوالي، بعد مسلسل “أحلام سعيدة” الذي عرض في رمضان 2022.
حيث قالت: “خلصنا تصوير بعد نص رمضان بشوية.. بس إحنا مخلصين بدري يعني يعتبر إن إحنا هايلين.. أنجزنا.. خد بالك كان متعب في حاجة واحدة.. كله خارجي.. إحنا بنسافر ونرجع.. يعني موضوع الفيوم ده إحنا روحنا نزلنا من بيتنا 4 صباحًا.. رجعنا بيوتنا 10 بالليل.. صورنا كل المدة كلها.. في يوم واحد.. ده الفيوم”.
وأضافت: “دمياط قعدنا فيها حوالي ليلتين وانبهرت.. انبهرت بالمحافظات لإن أنا مثلًا ما روحتش من 2008 ما روحتش الفيوم اتخضيت.. يا خبر ودمياط.. أنا عمري ما روحت دمياط قبل كده ولا عمري شوفت راس البر قبل كده فطبعًا كنت فرحانة جدًا إن أنا شايفة كل الحاجات دي قدامي بس كمان بجد معمول فيهم مجهود غير عادي نضافة وتوضيب وشوارع وناس حلوة.. الناس حلوة أوي أوي.. وكنا هنطلع بورسعيد بس ما لحقناش”.
وتابعت: “الخارجي انت لازم تصور النهار فلازم تلحق النهار من أوله.. لو داخل عليك الليل انت خلاص يومك خلص.. فأنت لازم مثلًا عندك 16 مشهد لازم تلحق.. فيه مشهد واحد بس سرقناه وقولنا إن إحنا في الفيوم بس ما كانش فيه الفيوم.. بتاع الإزازة مالحقناش.. واتلم خالص”.
https://www.facebook.com/dmctv/videos/245866131275372/
