أعربت الفنانة الكبيرة يسرا، عن حزنها الشديد عقب سماع خبر اعتزال الزعيم عادل إمام، حيث قالت في تصريحات إذاعية: “مكنتش أتصور إن هيجي يوم يعتزل فيه”.
يسرا وعادل إمام وعصام إمام - مصدر الصورة: وكالات بالإضافة إلى تعديل خاص بكاتب المقال
وأضافت: “أستاذنا الكبير عادل إمام عاش للفن وعمري ما تصورت إنه ممكن يبعد عننا.. كنت بقول يعني معقول مش هيرجع تاني بفنه؟ حتة من قلبي اتخلعت لما قالوا إنه هيعتزل.. من حقه يرتاح طبعًا بس أنا مش شايفاه بعيد عني أو عن جمهوره”.
وتابعت: “لا يمكن أنسى أستاذ عصام إمام لما قالي من حوالي 20 سنة هعملك مسرحية وهسميكي (الزعيمة) قولتله إن مفيش زعيم غير أستاذ عادل إمام بس.. وصعب أي حد يقارن نفسه بيه.. وعمري ما حسيت إني زعيمة جنب الزعيم.. ممكن اتعلم منه الزعامة لكن عمري ما فكرت إني أكون زعيمة الفن”.
وأردفت: “باستمرار أنا ولبلبة بنروح نزوره وبفرح جدًا بالقعدة معاه.. هو راجل رائع بمعنى الكلمة.. وقعدته حلوة ودمها خفيف.. بيهزر ولذيذ ومرة قالي انتي بتتنطتي قدامي في كل السيناريوهات بشوفك.. فأنا بقوله لازم تكون معايا”.
