هنا الزاهد: “أنا مش متربية على إني أرد على الإشاعات ولكن بسيب شغلي يتكلم عني” والجمهور يعلق “تمام بس هو فين الشغل اللي يتكلم ده” | صور وفيديو
نشاهد للفنانة هنا الزاهد هذه الأيام مسلسل سيب وأنا أسيب برفقة الفنان أحمد السعدني، ويوجد بعض الانتقادات للمسلسل على مواقع التواصل الاجتماعي المختلفة، بسبب بعض الكلمات الخادشة الموجودة فيه، وعلقت هنا الزاهد على تلك الانتقادات.
وقالت هنا “أنا مش متربية على إني أرد على الإشاعات ولكن بسيب شغلي يتكلم عني.. وفي حاجات أهم بكتير من الكلام اللي بيطلع وبيتقال”
وتحدثت عن أجواء التصوير وقالت: “”في مشاهد كتير كنت بضحك بجد ومش قادرة أوقف ضحك، عدنا المشاهد كذا مرة والمخرج أستاذ وائل إحسان بيحب الطبيعية في مشاهد كان بيظهر ابتسامتي وضحكتي لأن الشخصية “بيلا” بتحب “إبراهيم” فطبيعي لو ضحكت أو ابتسمت”.
وتابعت هنا الزاهد متحدثة عن أحمد السعدني: “أنا وأحمد السعدني قبل المسلسل مكناش أصحاب، هو ممثل شاطر أنا بحبه كممثل بس كإنسان مكنتش أعرفه، ومن أول قعدة لينا في القاهرة عرفت أنه من جواه زي الأطفال، ولما سافرنا لبنان لتصوير المسلسل بقينا أصحاب جدا، هو شخص مجتهد ومن أكتر الناس اللي استمتعت معاهم بالشغل، والجمهور حاسس بالكيميا بينا هو عنده طاقة إيجابية رهيبة وتبتسمي أول ما تشوفيه”.
