كشفت الفنانة والراقصة الاستعراضية دينا، عن الكثير من الأسرار خلال لقائها بالإعلامية إنجي علي، في برنامج “أسرار النجوم” الذي يبث عبر إذاعة “نجوم FM”.
الراقصة دينا بالحجاب - مصدر الصورة: وكالات بالإضافة إلى تعديل خاص بكاتب المقال
حيث تحدثت دينا عن الطقوس التي تفعلها قبل الرقص في الحفلات، قائلة: “بسخن جسمي شوية قبل ما أطلع عشان عضلات جسمي ما تتعبش.. وبقول حاجة ممكن أقولها ع الهوا عادي معنديش مشكلة.. بقول الله خير حافظًا وهو أرحم الراحمين من أمامي ومن خلفي ومن يميني ومن يساري ومن تحتي ومن فوقي الله أكبر الله أكبر الله أكبر.. كل الناس بتشوفني وأنا بعمل كده وبطلع على الله”.
وتطرقت دينا، للحديث عن الشخصيات التي تتمنى تجسيدها على الشاشة من خلال عمل فني، بعيدًا عن شخصيتي “شفيقة القبطية”، و”هدى شعراوي”، قائلة: “وردة تصدقي ما اتعملتش مع إن حياتها مليانة فن ودراما بس مشكلة الحاجات دي إن محدش بيرضى يقول الحقيقة فبتطلع ضعيفة.. يعني مسلسل (الشحرورة) اللي عن صباح طلع ضعيف جدًا وحياتها مليانة.. وتحية كاريوكا طلع ضعيف.. بيبقى على حسب الورثة بيوافقوا على إيه يتقال وإيه ما يتقالش إنما شخصيات مثلًا زي البعيدة اللي أنا بقولك عليها مالهاش دعوة يعني هدى شعراوي مش هيتقال الحقيقة إنما مثلًا شفيقة القبطية هيتقال الحقيقة حتى لو كانت وحشة.. بديعة مصابني حكايتها لحد النهارده ما اتحكتش شوفي اتعملت في كام مسلسل كل ده مش الحقيقة.. أنا لما قريت قصتها الحقيقية عيطت.. بس من بشاعتها ما ينفعش تتعمل من كتر ما هي بشعة”.
