حل الثنائي ليلى زاهر والمنتج هشام جمال، ضيوفًا على برنامج “صاحبة السعادة”، الذي تقدمه الإعلامية إسعاد يونس، وتحدثا عن تفاصيل علاقتهما قبل إعلانها رسميًا.
هشام جمال - لقطة شاشة أثناء لقائه مع إسعاد يونس
وقال الفنان هشام جمال، أنه تربطه علاقة صداقة قوية مع الفنان أحمد زاهر، موضحًا أنه تقدم لخطبة ليلى في النادي الأهلي، مضيفًا: “كنا بنتغدى في النادي مع بعض ومرة واحدة قلت له هنعمل إيه في موضوع ليلى؟”، ليرد زاهر قائلًا: “هو الموضوع بدأ امتى؟ فقلت له متقلقش أنا معملتش حاجة أي حاجة تتخطى حدود الأدب والاحترام، وقعدنا نتكلم 4 ساعات، وروحنا عزا مع بعض، وبعدين كملنا كلام لحد 2 الصبح”.
وتابع: “أنا حكيت له كل حاجة هو المفروض يعرفها، وطمنته جدًا أني هحافظ عليها، وهو كل مشكلته إنه بيحب بناته جدًا وبيخاف عليهم أوي وأنا طمنته، وليلى كانت خايفة وقالتلي أبويا هيقتل اللي يتقدملي، ويوم قراءة الفاتحة قالي عايزك تاخد بالك من بنتي وده طلبي الوحيد”.
