حل الفنان والمنتج هشام جمال، ضيفًا على الفنانة والإعلامية الكبيرة إسعاد يونس، في أحدث حلقات برنامجها “صاحبة السعادة” الذي يعرض عبر قناة “dmc” برفقة خطيبته الفنانة الشابة ليلى أحمد زاهر.
هشام جمال وليلى أحمد زاهر مع إسعاد يونس في برنامج صاحبة السعادة - مصدر الصورة: يوتيوب
وتحدثت إسعاد، عن ضيفها خلال الحلقة قائلة: “فيه ناس كانت فاكرة إن هشام جمال ابني فعلًا.. وهو طلع قبل كده وقال إنه ابني الروحي.. وأنا كنت فاقسة كل حاجة وهو بيعمل شغل مع ليلى زاهر اللي هتكون مرات ابني مستقبلًا.. ولما كنت أسألهم انتوا مرتبطين يقولوا لي لأ إحنا زملا.. وأنا كنت بعمل نفسي مش عارفة حاجة”.
وتحدث هشام جمال عن علاقته بليلى أحمد زاهر، قائلًا: “كانت حطاني في الفريند زون فترة طويلة وكانت طول الوقت بتقول أخويا.. وأنا كنت بعاملها على إنها زميلتي في الشغل.. بنت صاحبي وحبيبي أحمد زاهر.. فكنت شايفها بنظرة معينة ما كانش فيها مشاعر”.
وأضاف: “وقت تصوير مسلسل (في بيتنا روبوت) كنت متحمل مسئولية ليلى إنها بنوتة صغيرة لسه في الشغلانة وعندي من الخبرة اللي يخليني أقول إن البنت دي عايزة حد ياخد باله منها ومحدش يشغلها في حاجة مش كويسة”.
