كشفت الفنانة زينة عن سبب إصرارها على إخفاء وجه أولادها في صورهم معها على السوشيال ميديا، قائلة: “أنا مش مُطالبة إني أظهر عيالي على السوشيال ميديا، وبتضايق جدًا لما حد يقولي وريني ولادك، أنت مالك؟ هو أنا طلبت منك توريني ولادك؟”.
زينة مع ابنيها في زيارة للهلال الأحمر - صورة أرشيفية
وأضافت زينة خلال لقائها ببرنامج “الراديو بيضحك”، “اعتقد أن دي حاجة خاصة جدًا والولاد بيكونوا حساسين أوي ناحية الحسد، وأنا بتحرم من إني أنزل أخرج معاهم لأني بخاف حد يصور، والجمهور له عندي شغلي وبس، مالوش علاقة بحياتي الخاصة”.
ولفتت إلى أنها حرصت على ظهور أولادها معها في صور زيارة الهلال الأحمر من أجل التوعية بالقضية الفلسطينية، متابعة: “ناس كتير قالت إنتِ طلعتي عيالك، لكن أنا طلعتهم بظهرهم، وكنت ماسكة ذراع ابني وبعدها دراعه اتكسر”.
وتابعت: “أنا حريصة جدًا على زيارة عز الدين وزين الدين لـ دور للأيتام على طول وعندهم أصحاب هناك وبيقولوا عليهم إخواتهم، ولكن مبصورش ده لأن اللي عايز يعمل خير بيعمله من نفسه، وساعة زيارة الهلال الأحمر وفلسطين أنا ضحيت بـ أولادي علشان كل واحد يعلم ولاده إن في فلسطين وأرض وعرض، وعايزة عيال قوية يحسوا باللي حواليهم”.
