انتقد الإعلامي عمرو أديب، الدعوات التي أطلقها رواد موقع التواصل الاجتماعي على “فيسبوك” لمقاطعة محلات السوريين في مصر بالإضافة إلى الهجوم الشديد على تواجدهم في مصر، والتي جاءت من خلال هاشتاج «مش هاكل غير من المحل المصري.. متاكلش من السوريين».
الإعلامي عمرو أديب - صورة أرشيفية
وعقب “أديب” خلال تقديم برنامجه “الحكاية” المذاع على قناة “mbc مصر”: على دعوات مقاطعة محلات السوريين قائلًا: “تحس إنها حرب تجارية، والسؤال المهم هو السوري ده عملك إيه؟ إيه اللي عمله يضايقك منه بالشكل ده، أنا فاهم مقاطعة المنتجات المساندة لإسرائيل، إنما السورين ضايقوكم في إيه؟”.
وأضاف: “السوريين قاعدين في مصر بشكل قانوني، وبيدفع ضرايب وبيعمل أكل صحي وفقًا للرقابة، وبيستثمر وفاتح بيوت ناس كتير، مصر فيها 1.5 مليون سوري، وعلاقتنا بيهم محترمة، وطالما أنه لا يقوم بأي أعمال منافية للقانون فأهلًا وسهلًا به”.
وتابع: “كل اللي مكتوب على السوشيال ميديا كوبي وبيست، اللي كتب الهاشتاج ده واخد نفس الجمل وبيعيد نشرها هي هي، في مناطق في مصر في التجمع و6 أكتوبر اتعمرت بالسوريين، وشغالين بما يرضي الله، بشويش شوية، اللي حاطط الفيشة دي يشدها، مش كل اللي عايز يكسب قرشين في ساندويتشين شاورما يعمل كدة”.
