حمو بيكا يكشف تمويل محمد رمضان لأغانيه على اليوتيوب.. مصطفى كامل وجهنا للصح.. بغني في كباريهات.. عمر كمال عملي سحر وشاكوش أصفراوي
فتح مطرب المهرجانات الشهير “حمو بيكا” النار من خلال تصريحاته الجريئة خلال برنامج العرافة المذاع على قناتي المحور والنهار وتقدمه الإعلامية بسمة وهبة.
لم أصرح بأن أفلام محمد رمضان سبب في غنائه بألفاظ خارجة
أكد حمو بيكا أنه لم يصرح بأن أفلام الفنان محمد رمضان السبب في غنائه بألفاظ خارجة في بداية مشواره الفني، مضيفًا: “محمد رمضان يقوم بتمويل فيديوهات الأغاني الخاصة به على يوتيوب من اجل جذب المزيد من المشاهدات”، متابعا: “مشاهدات مش حقيقية”.
كله بيمول.. ولو هنزل أغنية تجيب 10 آلاف بس أنا راضي
أضاف بيكا قائلًا: “كله بيمول.. أنا لو عايز أغنية خاصة بي تجيب 100 مليون مشاهدة هقدر أدفع فلوس واجيب عدد المشاهدات دي، وتابع حمو بيكا:”دلوقتي لو هنزل أغنية تجيب 10 آلاف مشاهدة فقط أنا راضي “.
حمو بيكا: بغني في كباريهات.. مش بغني بفلاشة وفرقتي 18 فرد
قال حمو بيكا خلال حواره في برنامج العرافة: “فرقتي مكونة من 18 فرد يعملون معي ولا أقوم بالغناء بفلاشة مطلقا، وفي مرة وأنا شغال مر علينا النقيب مصطفى كامل وأنا كنت بغني والفرقة الموسيقية الخاصة بي بتعزف “.
وتابع حمو بيكا:” أنا بغني في كباريهات عادي وأنا مش بعمل حاجة حرام خالص، وأنا مسلم وموحد بالله والله هو من سيقوم بحسابنا وليس البشر “، مضيفا:” الغناء في الكباريهات شغلي”.
مصطفى كامل وجهنا للطريق الصحيح
قال حمو بيكا: “نقيب المهن الموسيقية مصطفى كامل قام بتوجيهنا للطريق الصحيح، وكنا محتاجين ده من زمان، وفي بداياتي مكنتتش أعرف يعني إيه نقابة أو مصنفات وكنت بغني أي حاجة”.
لو بغني كلام وحش محدش هيجبني
قال حمو بيكا:” ربنا يخليه وأنا لو بغني كلام وحش محدش هيجبني فرح “.
عمر كمال عملي سحر وصاحبته عشان ما يعمليش حاجة تاني
اتهم مطرب المهرجانات حمو بيكا الفنان عمر كمال بأنه قام بعمل سحر له ليوقفه عن العمل، مضيفًا: “عرفت كده لما روحت لشيخ، ووقالي فيه واحد اسمه عمر عملك عمل عشان متشتغلش والشيخ قالي كلنا هنقعد وهو الوحيد اللي هيشتغل، وفكيت السحر ده بالقرآن ورجعت شغلي”، مضيفا:” صاحبت عمر كمال عشان ميعمليش حاجة تاني “.
وأضاف حمو بيكا، إن عمر كمال شخص بخيل مش بيدي حد فلوس، وأنا مستلفتش منه فلوس خالص، وعمر كمال كان قايلي هجيبلك تكييف هدية ومجبوش لحد دلوقتي “.
حسن شاكوش أصفراوي
قال حمو بيكا: “أنا جيت لحسن شاكوش في فيلا بحدائق الأهرام عشان نخلص شغل بينا، وذلك بعد فترة طلبت منه فيها المجيء للإسكندرية لإنهاء الشغل”، مضيفا: “حسن شاكوش أصفراوي”.
