قامت النجمة المصرية “منة فضالي” بالاستغاثة عن طريق حسابها الرسمي بموقع التواصل الإجتماعي “فيس بوك” لجميع متابعيها وأصدقائها، وذلك بعد اختفاء المساعدة الخاصة بها.
وقد دونت النجمة منة فضالي قائلة: صباح الخير، للأسف أنا في موقف صعب ومش عارفة أعمل إيه، المساعدة الخاصة بي إختفت وهي كانت جيالي من أول إمبارح، ومن وقتها وأهلها عمالين يدوروا عليها في أقسام الشرطة والمستشفيات، وهي آخر حاجة كانت راكبة في عربية أوبر وداخلة على المدينة، لكن تلفونها اتقفل من بعد المغرب.
وأضافت في منشورها: التلفون إفتح لمدة دقيقة واحدة في منتصف الليل الساعة 12 وللأسف معرفناش نعمل حاجة، وقعدنا نستنى 24 ساعة عشان نعرف نعمل محضر، سألنا في بعض المستشفيات وهي مش موجودة، ومن الواضح كده إنها مخطوفة، وأنا مش عارفة أعمل إيه، ياريت اللي يعرف يساعدني يبقى كتر خيره، إحنا منعرفش رقم العربية لانها مكنتش ظاهرة.
وقد شهد المنشور الكثير من التفاعل عبر رواد مواقع التواصل الإجتماعي، حيث علق البعض: من السهل جدًا إنكوا تعرفوا السواق عن طريق الشركة، لأنه بكل تأكيد الرحلة دي مسجله عندهم عن طريق رقم الهاتف.
