في أول مداخلة هاتفية لها، كشفت (أمنية) ابنة المطرب إيمان البحر درويش، كواليس صورته الصادمة، وتفاصيل حالته الصحية بعد الأزمة التي تعرض لها منذ عامين.
حيث قالت أمنية، في مداخلة مع الإعلامي شريف عامر، في حلقة أمس من برنامج “يحدث في مصر”: “والله يا فندم هو تعبان.. هو تعبان بقاله سنة ونص تقريبًا داخل في سنتين.. بسبب أزمة حصلت.. بس أنا هستأذن حضرتك أنا كنت عايزة أوضح حاجة إنه أنا سمعت إن فيه محامي المفروض إن هو بتاع بابي كان في مداخلة مع حضرتك أنا بس حابة أوضح إن هو مش المحامي بتاع بابي.. كان معاه وكالة وبابي لغاه وده من فترة كبيرة جدًا”.
وأضافت: “أنا محدش تواصل مع أبويا نهائي بقالي مثلًا مش فاكرة بالظبط عشان أكون مسئولة عن الكلام اللي بقوله لحضرتك بس أنا محدش تواصل معايا نهائي”.
وردًا على بيان الشركة المتحدة بتحملها تكاليف علاج والدها، واستعداد نقيب المهن الموسيقية لعلاجه أيضًا، قالت ابنة المطرب إيمان البحر درويش: “أنا ما ردتش على حد من امبارح للنهارده ومعملتش اتصال مع حد خالص بس فعلًا فيه ناس حاولوا يتواصلوا معايا كتير جدًا.. أنا شوفتها واتقالي حتى إن فيه ناس قرايبي قالولي إن هو بيحاول يتواصل معانا.. بس أنا بصراحة لسه ما اتواصلتش مع حد نهائي”.
وعن الحالة الصحية لوالدها، قالت: “الوالد مش في المستشفى هو في البيت.. وأنا كل اللي طالباه بس الدعاء ليه”.
