أعلنت الفنانة رشا سامي العدل عن افتتاحها مشروعها الخاص، وهو عبارة عن عربة مأكولات في دهب، بعد أيام من إعلان الفنان كريم الحسيني عن اتجاهه إلى بيع المشروبات الساخنة لعدم قبول أدوار دون المستوى، لتكون المرة الثانية التي يترك فيها فنان التمثيل ويفتتح مشروعه الخاص.
رشا سامي العدل
وأكدت الفنانة رشا سامي العدل عبر صفحتها الشخصية قائلة: “فكرت في الموضوع منذ فترة، وذهبت إلى دهب في شهر 7 الماضي، وقررت العمل بمجال المأكولات، وأنا أعلم أني ممثلة بس أنا مش بشتغل كتير، وده مش إلقاء اللوم على النقابة أنا نقابية من 20 سنة، وكل اللي طلعت بيه من النقابة التأمين الصحي والكارنيه”.
وتابعت:”لا ألقي اللوم على المخرجين والمنتجين، وروحت وطلبت شغل وكل واحد حر، وكفاية اني اجي على نفسي علشان الناس، القرار ده ريحني جدًا وأنا قررت إن أي حاجة مش مريحاني مش هعملها”.
وأضافت: “من شهر 7 وأنا بصلح من نفسي مش بقول إني ملاك، كلنا بنغلط وأنا أخطأت في حياتي لما اتجوزت مرتين، مش هلوم راجل اتجوزته ومش صرف على أبناءه، وأنا علشان تربيتي الكويسة مش هطلع وألوم حد”.
واستكملت: ” الناس بقت بتدوس عليا عشان مش بتملق أنا سعيت وفشلت، وأنا مش عاوزه أركب الترند، كل اللي عاوزاه أكسب لقمة بالحلال، وكان سهل جدًا آخد فلوس من أهلي ومحدش هيتأخر، بس أنا مش هستنى لحد ما أقول لله يا محسنين، وكل عيلتي جزمتهم على راسي”.
واختتمت: “أنا مش بعيب في النقابة يمكن يكون الغلط مني، وأنا أتحمل نتيجة أخطائي، بس أنا هعمل اللي ربنا يقدرني عليه سواء في دهب أو القاهرة أو أي مكان آخر”.
