ابن عم المقدم «عماد الركايبي» يكشف 7 معلومات حول استشهاده: «بلاش تتاجروا بدمه وتعملوا منه بطل هو معملش حاجة»

تصدر اسم الشهيد المقدم، “عماد الركايبي”، خلال الأسام القليلة الماضية، وذلك بعد استشهادة في التفجير الذي استهدف الكنيسة المرقصية بالإسكندرية، وأسقط عدداً من الضحايا، ما بين قتيل وجريح، فيما كان الشهيد الراحل “عماد الركايبي”، أحد أفراد الداخلية، الذين لقوا حتفهم جراء هذا الانفجار الإرهابي الغاشم.

ابن عم المقدم «عماد الركايبي» يكشف 7 معلومات حول استشهاده: «بلاش تتاجروا بدمه وتعملوا منه بطل هو معملش حاجة» 2 11/4/2017 - 5:00 م

وبعدما تدأول مستخدمو مواقع التواصل الاجتماعي، بكثرة صورة زعموا أنها لـ”الركايبي”، وهو يستوقف الانتحاري قبل أن يفجر نفسه، إلا أن فيديو كاميرا المراقبة التي رصدت لحظة وقوع الانفجار، نفت هذه الرواية، إذ كان يرتدي منفذ التفجير ملابس زرقاء، حسبما أظهرت الكاميرا، بينما كان يرتدي الرجل في الصورة المتداولة سترة حمراء.

في حين علق ابن عم المقدم الشهيد، على تدأول رواد التواصل الاجتماعي، لهذه الصور، وحديثهم المتواصل عنه، خلال تدوينة له على مواقع التواصل الاجتماعي، الـ”فيس بوك”، حملت توجيه مناشدة وتوضيح للمصريين، ولمستخدمو هذه المواقع.

وقال “أحمد الراكيبي”، عبر التدوينة، التي حملت سبعة نقاط:

1.مع إني في الفترة الأخيرة مش بتكلم في أي حاجة.. بس اللي حصل ده لازم يخليك تتكلم.

2.ربنا يرحمك يا ابن عمي.. وبنحتسبك عند ربنا من الشهداء.. وربنا يصبرنا على فراقك» في البلد دي ياريت متعملش شير حاجة من غير ما تشوف.. ولما تشوف برضو متعملش شير علشان احنا أقسم بالله في مستنقع زبالة.

3.في ناس بتقول إنه ابن عمي حضن اللي كان داخل يفجر نفسه، وفيه فيديو اللي كل الناس شافته والواد بيفجر نفسه عند البوابة، وأنا بتكلم علشان مش عاوز حد يتاجر بدم واحد من أقرب الناس ليا، ابن عمي بطل في نظري.. مش شرط إنه يحضن الإرهابي علشان يكون بطل».

4.هو بطل علشان هو أنضف ظابط شفته في حياتي.. عمره ما جه على حد ـو ظلم حد.. قدامي حصل أكتر من موقف كان ممكن يستخدم فيها القانون علشان يحبس ناس ولكن كان بيستخدم روح القانون.. وبيدي للمخطئ درس عمره ما ينساه.

5.هو بطل علشان يوم الانفجار نازل من بيته 4 الفجر علشان يأمن الكنيسة، مع إنه بكل سهولة كان ممكن ميروحش، ومحدش في الشرطة كان حيقدر يكلمه، علشان احنا عيلة عندها كمية رتب مش طبيعية.

6.هو بطل علشان قبل التفجير بـ 10 دقائق كلمه السواق بتاعه وقاله في تفجير في طنطا يا باشا، لو عاوزني أجيلك وتروح.. فقاله لا ربنا يستر وماسبش مكان خدمته وروح لأطفاله الـ3 اللي مش حيشفوه ولا حيشفهم تاني.

7.مش شرط إن انت تشوفوا بطل، وميهمنيش إنك تشوفه بطل، بس ياريت تدعيله وتدعيلنا معاه، ومتنساش إننا كعيلته ماتجرناش بدم ابننا ولا عاوزين حد يتاجر بيه.. فياريت بلاش كلام إنكم عاوزين تعملوا منه بطل وهو معملش حاجة.. احنا فينا اللي مكفينا.

ابن عم المقدم «عماد الركايبي» يكشف 7 معلومات حول استشهاده: «بلاش تتاجروا بدمه وتعملوا منه بطل هو معملش حاجة» 1 11/4/2017 - 5:00 م

الداخلية تكشف هوية منفذ تفجير الإسكندرية

ومن ناحية أخرى، قال مصدر أمنى إن رجال جهاز الأمن الوطني، نجحوا في التوصل إلى هوية الانتحاري المتهم بتنفيذ الهجوم الإرهابي في كنيسة الإسكندرية، الأحد الماضي، والذي لقبه تنظيم “داعش” بـ”أبو إسحاق المصري”، هو “محمد.ع.غ”، من مواليد سبتمبر 1990 بمدينة منيا القمح في الشرقية، حاصل على بكالوريوس تجارة. وأوضح أن والد المنفذ موظف بالمعاش، بينما تعمل والدته بقطاع التربية والتعليم.


قد يعجبك أيضاً

اترك رد

لن يتم نشر عنوان بريدك الإلكتروني.

تعليق 1
  1. Avatar of اخيك في الله جمال الاسكندراني من الرمل
    اخيك في الله جمال الاسكندراني من الرمل يقول

    الاخ ابن عم الشهيد انتة بتقول كان ممكن ما يرحش ومكنش فية حد في الداخلية يقدر يكلمة لان احنا عندنا في العيلة كمية رتب غير طبيعية انا عاتب عليك في هذا اللفظ فقط ومعلش الداخلية مش ملك اي حد في مصر بس لازم تحافظ علي الفاظك لان مفيش حد فوق القانون ولو كنت انتة وزير الداخلية نفسة ولاكن عزائنا لكلامك انك ابن عم الشهيد الله يرحمة وياريتني كنت معاة حتي انول الشهادة معاة فداء لبلدي