“أنا عندى أسرار كتير بس عيب أشهر بواحدة ست”.. أول تعليق من مصطفى فهمى على إدعاءات طليقته فاتن موسى

قام الفنان مصطفى فهمى بالرد على التصريحات التى ترددت على لسان طليقته فاتن موسى، حيث  أنها أكدت بأن عندها من الأسرار الكثير لو قالتها لإنهار، وعلق الفنان قائلاً:ـ “أنا كمان عندى كتير وممكن أقولها.. وعلى فكرة أنا عيب أشهر بسمعة واحدة ست وأنا ما قولتش عليكى حاجة، والراجل مش هيتمسك عليه حاجة وكمان مش بيتقال عليه حاجة، ولكن الست عيب يتقال عليها حاجة، ومن العيب إنى أقول عليها حاجة لانى هيجى عليها اليوم اللى هتتجوز فيه وربنا يسعدها وتلاقى الشخص اللى يحققلها أحلامها، وعلى فكرة أنا مش قادر أحقق لها أحلامها”.

"أنا عندى أسرار كتير بس عيب أشهر بواحدة ست".. أول تعليق من مصطفى فهمى على إدعاءات طليقته فاتن موسى

وأكد الفنان خلال تصريح تليفزيونى قائلاً:ـ “عيب إنى اتكلم على واحدة ست وأشهر بيها، وعلى فكرة أنا لحد دلوقتى متكلمتش ومفتحتش بقى ومقلتش حاجة على السوشيال ميديا نهائى، وده أول كلام يطلع منى وأنا طول الوقت مستحمل اللى بيتقال على مواقع التواصل الإجتماعى، ولكن هيا أخر مرة جابت بتوع أمن خاص وجابت لهم ترابيزة أمام الشقة، وأنا فضلت قاعد في لوكاندة مدة 13 يوم وكل متعلقاتى الشخصية في الشقة، وقامت بالتمكين من الشقة بدون إذن من النيابة”.

وأكمل:ـ “وبعد مرور 12 يوم جبت فرد أمن مُرخص من شركة وقعدته أمام الشقة علشان مفيش حاجة تروح من متعلقاتى الشخصية، وعدى يومين ومشت الأمن الخاص بها، وفجأةً المحامية الخاصة بها حضرت وبرفقتها ظابط من قسم الدقى وقالت بأن الأمن وحارس العمارة هددوها بالسكاكين وهيا جوه الشقة، وإنى أنا اللى حرضتهم على كده، والإثنين إتخدوا إلى القسم وتم عمل محضر لهما وباتو ليلتين بالقسم الأمر الذى لم أكن أتخيله”.

وتابع:ـ “الشاب بتاع الأمن بيدرس في الجامعة وحاس العمارة بقالوا 15 عام وهو من أحسن الناس اللى موجودة والمعروفة في المنطقة، وقعدوا ليلتين في الحبس، وجت والدة الشاب وركعت على رجل المحامية تطلب منها أن تترك إبنها علشان هو اللى بيصرف عليه بجانب تعليمه، وردت عليها المحامية وقالت الموضوع خرج من إيدى”.

وأكد مصطفى أن هذا هو السبب في الخروج والتحدث لأول مرة للإعلام وأنهى:ـ ” علشان كدا مش نافع أكاذيب وإدعائات وإرهاب، إيه ده هيا التهم بتترمى كدا على الناس، أنا حياتى وحياة أولادى كلها بقت مهددة، إنى ألبس تهم وكل شوية رايح جاى على النيابة كده كفاية حرام”.