تحدث مرتضى منصور، رئيس نادي الزمالك، عن المؤامرة ضد القلعة البيضاء التي يقودها رئيس النادي الأسبق ممدوح عباس، ومحمود الخطيب، رئيس النادي الأهلي.
وقال مرتضى، في تصريحات لقناة الزمالك أمس الجمعة: “لو رئيس نادي تاني وعنده كل القضايا دية كان زمانه وقع.. يا باشا دي خطة ممنهجة اللي سقطوا فاشلين مع لجانهم مع الأخ مع احترامي طبعًا لجمهور الأهلي جمهور عظيم وجمهور محترم أنا مشكلتي محمود الخطيب.. مش مشكلتي أنا مشكلته هو”.
وأضاف: “ازاي مرتضى منصور مؤلف كتب في القانون وكان أصغر مؤلف في القانون عامل موسوعة وهو عنده 24 سنة وازاي مرتضى كان عضو مجلس إدارة وهو عنده 23 سنة وازاي مرتضى من أكبر المحاميين في العالم العربي وازاي مرتضى كان أول قاضي يستقيل من ع المنصة كلها تاريخ وازاي مرتضى من ساعة ما جيه وعمال ياخد مني البطولات تمام هو اللي عنده مرض مش أنا.. أنا طبيعي ربنا مديني كل حاجة الحمد لله”.
وتابع: “يعني أنا 74 كنت وكيل نيابة هو كان فين؟ طب أنا بقى سنة 79 ألفت الموسوعة الجنائية هو كان فين؟ طب أنا سنة 2000 كنت عضو مجلس نواب هو كان فين؟ فرق شاسع هو اللي عنده مشكلة مش أنا.. أنا طبيعي وطلعت في التليفزيون مع بنت اسمها راندا جابتلي اللاعيبة قولتلها أحرف لاعيب في مصر هو ده.. أنا معنديش مرض هو عنده مرض وربنا يهديه ويشفيه هو ولجانه”.
مرتضى منصور شخص معقد نفسيا تقارن حالك مع محمود الخطيب.