أثار الملحن عمرو مصطفى، ضجة كبيرة بسبب التصريحات التي أدلى بها مؤخرًا خلال لقاءه ببرنامج “KWN TRENDING” الذي يعرض عبر قناة “القاهرة والناس”.
عمرو مصطفى: أنا الملحن الوحيد اللي لازم المطرب يتحايل عليا عشان أشتغل معاه
وقال مصطفى، خلال اللقاء: “أنا الملحن الوحيد اللي لازم المطرب يتحايل عليه عشان يشتغله.. يتحايل وكتير يعني يقعد يتحايل أوي ويقعد كتير يقعد مثلًا أربع شهور خمس شهور عشان ياخد أغنية”.
وأضاف: “فأنا مش زعلان إن حد ألحن له ولّا ما ألحنلوش بالعكس مفيش حد خالص مهم.. أنا طلعت قولت في البرنامج مفيش حد مهم.. هو فعلًا مفيش حد مهم.. المهم هو الناس اللي بتحبك.. فالناس اللي بتحبك دول هما الجمهور.. فمين المهم دلوقتي الجمهور.. الجمهور هو المهم فخلاص.. لكن البني آدمين الطبيعيين اللي انتي بتعمليلهم أغاني بمقابل مادي مش عايزة المادة ومش عايز أشوفك أصلًا فخلاص”.
وتابع: “هي القصة كده والحياة كده فلازم بس الناس أفهمها عشان في بعض الجمهور بيقولك إيه يا عمرو ده مش عارف مين اللي خسرك ده انت اللي خسرته أنا اللي بتنازل عن الناس مش الناس اللي بتتنازل عني”.
